Radhe shyam release date: 'రాధేశ్యామ్' విడుదలకు అంతా సిద్ధమైంది. మార్చి 11న ప్రపంచవ్యాప్తంగా ఈ చిత్రం ప్రేక్షకుల ముందుకు రానుంది. ఇక ప్రమోషన్లనూ వేగవంతం చేసింది చిత్రబృందం. ఇందులో భాగంగానే మరో ట్రైలర్ను విడుదల చేసేందుకు సిద్ధమైంది చిత్రబృందం. మార్చి 2న మధ్యాహ్నం 3గంటలకు రెండో ప్రచార చిత్రాన్ని విడుదల చేస్తామని ప్రకటించింది. ఈ క్రమంలో ఈ చిత్ర యాక్షన్ డైరెక్టర్ నిక్ పౌల్, దర్శకుడు రాధాకృష్ణ ఆసక్తికర విషయాలను మీడియాతో పంచుకున్నారు.
'రాధేశ్యామ్' చిత్రానికి పనిచేయడం గొప్ప అనుభవాన్ని ఇచ్చిందని ఆ చిత్ర యాక్షన్ డైరెక్టర్ నిక్ పౌల్ తెలిపారు. క్లైమాక్స్, బల్గేరియాలో నీటి అడుగుభాగంలో చిత్రీకరించిన సన్నివేశాలు ఈ చిత్రంలో ప్రత్యేక ఆకర్షణగా ఉంటాయన్నారు. సెట్స్, వీఎఫ్ఎక్స్ పనులు ఎక్కువగా ఉన్నప్పటికీ ముందస్తుగా సిద్ధం కావడం వల్ల రాధేశ్యామ్ను అనుకున్న స్థాయిలోనే పూర్తి చేసినట్లు నిక్ పౌల్ వెల్లడించారు.
ప్రమాదకర సన్నివేశాల్లో ప్రభాస్ ఎంతో తేలిగ్గా నటించారని, ఆయన్ని చాలా జాగ్రత్తగా చూసుకుంటూ రాధేశ్యామ్ లోని కీలక సన్నివేశాలను తెరకెక్కించినట్లు నిక్ పౌల్ పేర్కొన్నారు.
రొమాంటిక్ లవ్స్టోరీగా తెరకెక్కుతున్న ఈ సినిమాకు దర్శకధీరుడు రాజమౌళి వాయిస్ ఇచ్చారు. ప్రభాస్ సరసన పూజాహెగ్డే హీరోయిన్గా నటించింది. కృష్ణంరాజు కీలకపాత్ర పోషించారు. జస్టిన్ ప్రభాకరన్ పాటలు స్వరపరచగా, తమన్ బ్యాక్గ్రౌండ్ మ్యూజిక్ అందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్- గోపీకృష్ణ మూవీస్ సంయుక్తంగా నిర్మించాయి.
ఇదీ చూడండి: 'సాయిపల్లవి కంటే రష్మిక అందానికే జోహార్లు'
