ప్రముఖ నిర్మాత బి.నాగిరెడ్డి కుమారుడు బి.వెంట్రామిరెడ్డి మరణించారు. 75 ఏళ్ల ఆయన అనారోగ్యంతో చెన్నైలో చనిపోయారు. తెలుగులో చందమామ విజయా కంబైన్స్ పతాకంపై బాలకృష్ణతో భైరవ ధ్వీపం, శ్రీ కృష్ణార్జున విజయం, రాజేంద్ర ప్రసాద్తో బృందావనం తదితర చిత్రాలను వెంకట్రామి రెడ్డి నిర్మించారు.
తమిళంలో విజయ్, అజిత్, విశాల్, ధనుష్ లాంటి హీరోలతో కలిసి పనిచేశారు. అజిత్తో వీరం, విజయ్తో భైరవ, తామిరభరణి, పడిక్కాదవన్, వేంగై లాంటి సినిమాలు నిర్మించారు. ప్రస్తుతం విజయ్ సేతుపతితో ఆయన నిర్మిస్తున్న సంఘ తమిళన్ చిత్రం షూటింగ్ దశలో ఉంది. వెంకట్రామిరెడ్డి మృతిపట్ల సినీ ప్రముఖులు సంతాపం తెలిపారు.
