సిద్దార్థ్ ఆనంద్ దర్శకత్వంలో టైగర్ ష్రాఫ్ కథానాయకుడిగా 'రాంబో' సినిమా చేస్తున్నట్లు మూడేళ్ల క్రితమే ప్రకటన వచ్చింది. సిల్వెస్టర్ స్టాలోన్ హీరోగా నటించిన 'రాంబో' చిత్రానికి ఇది రీమేక్‌. అంతేకాదు సినిమాకు సంబంధించి పోస్టర్ సైతం సామాజిక మాధ్యమాల్లో వైరల్ అయ్యింది. టైగర్ ష్రాఫ్ - హృతిక్‌ రోషన్‌ కలిసి నటించిన 'వార్‌' చిత్రం తర్వాత చిత్రాన్ని పట్టాలెక్కించాలని సిద్ధార్థ్ ఆనంద్ భావించారట.
అయితే టైగర్ 'రాంబో' కోసం కాల్షీట్స్ని సర్దుబాటు చేయడం లేదట. దీంతో 'బాహుబలి' హీరో ప్రభాస్‌ను 'రాంబో' సినిమా కోసం దర్శకుడు సిద్ధార్థ్ సంప్రదించారట. కథతో పాటు వారు చెప్పిన కాన్సెప్ట్ ప్రభాస్‌కి నచ్చిందట. ఈ నేపథ్యంలో ప్రభాస్-సిద్దార్థ్ ఆనంద్ కాంబినేషన్లో 'రాంబో' ప్రాజెక్టు పట్టాలెక్కనుందని ప్రచారం జరుగుతోంది. దీని గురించి మరిన్ని విషయాలు తెలియాలంటే మరికొన్నాళ్లు వేచి చూడాల్సిందే.
ఇదీ చూడండి: 'తలైవి' సాంగ్ అప్డేట్.. 'వై' ట్రైలర్ రిలీజ్
