Prabhas Salar movie: 'కేజీఎఫ్'లో ఊహకందని విజువల్స్, భారీ యాక్షన్ సీన్స్తో సంచలనం సృష్టించారు దర్శకుడు ప్రశాంత్ నీల్. ప్రస్తుతం ఆయన పాన్ ఇండియా స్టార్ ప్రభాస్తో 'సలార్' సినిమాను తెరకెక్కిస్తున్నారు. ఈ మూవీ ప్రస్తుతం శరవేగంగా షూటింగ్ జరుపుకుంటోంది.
ఇప్పటికే విడుదలైన ఈ చిత్రంలోని ప్రభాస్ లుక్స్ చూస్తే.. ఇది కూడా యాక్షన్ థ్రిల్లర్గా రూపొందబోతున్నట్లు అర్థమవుతోంది. అయితే తాజాగా ఈ చిత్రం గురించి ఓ ఆసక్తికర వార్త వినిపిస్తోంది. ఇటీవల నీల్.. డార్లింగ్ చేత ఓ భారీ పోరాట సన్నివేశాన్ని చిత్రీకరించారట. దీని కోసం ఏకంగా రూ.20కోట్లు ఖర్చు చేశారని తెలిసింది! ఇదే ఈ మూవీకి హైలెట్గా నిలవనుందని సినీవర్గాల సమాచారం. మరి ఇందులో నిజమెంతో తెలియాలంటే సినిమా వచ్చే వరకు వేచి ఉండాల్సిందే.
ఇక ఈ చిత్రంలో శ్రుతిహాసన్ హీరోయిన్గా నటిస్తోంది. ప్రభాస్ ద్విపాత్రాభినయం చేస్తున్నారని వినికిడి. శ్రద్ధాకపూర్తో స్పెషల్ సాంగ్ కూడా ఉంటుందని సమాచారం.
ఇదీ చూడండి: 'ఆర్సీ 15' నాన్ థియేట్రికల్ రైట్స్కు రికార్డు ధర!
