సినిమాల ప్రచార ధోరణి ఎప్పటికప్పుడు మారుతూ వస్తోంది. ఆడియో ఫంక్షన్స్ తగ్గించి ప్రీరిలీజ్ ఈవెంట్లు చేస్తున్నారు. కాలేజ్లకు వెళుతున్నారు. రకారకాలు పేర్లతో విభిన్న పద్ధతుల్లో పబ్లిసిటీ చేస్తున్నారు.
వీటిన్నింటికి భిన్నంగా 'నిను వీడని నీడను నేనే' చిత్రబృందం ప్రచారం చేస్తోంది. ఇటీవలే అభిమానుల్ని సెట్కు ఆహ్వానించింది. కొన్ని రోజుల కిందట థియేటర్లలో టాయిలెట్ల దగ్గర పోస్టర్లతో ప్రచారం చేసింది. ఇప్పుడు ఈ చిత్రం మొదటి టికెట్ హీరో ప్రభాస్ కొన్నాడు. ఆ ఫొటోను హీరో సందీప్ కిషన్ ట్విట్టర్లో పంచుకున్నాడు.
సరికొత్త కథాంశంతో తెరకెక్కుతున్న ఈ సినిమా ట్రైలర్ ఇప్పటికే ఆకట్టుకుంటోంది. అన్య సింగ్ హీరోయిన్. వెన్నెల కిశోర్ కీలక పాత్రధారి. తమన్ సంగీతమందించాడు. కార్తిక్ రాజు దర్శకత్వం వహించాడు. శుక్రవారం ప్రేక్షకుల ముందుకు రానుంది.
ఇది చదవండి: 'డియర్' కోసం తపన... కామ్రేడ్ ట్రైలర్
