పవర్స్టార్ పవన్ కల్యాణ్ ద్విపాత్రాభినయం చేస్తున్నాడా? అంటే అవుననే అంటున్నాయి సినీ వర్గాలు. పవన్.. 'వకీల్‌సాబ్‌'తో తెరపై రీఎంట్రీ ఇస్తున్నాడు. వేణు శ్రీరామ్‌ దర్శకుడు. దీంతోపాటు క్రిష్ దర్శకత్వంలో రూపొందుతున్న ఓ చిత్రంలో నటిస్తున్నాడు. చరిత్ర నేపథ్యంలో రూపొందే ఈ సినిమాలోనే పవన్ రెండు విభిన్న పాత్రలు పోషిస్తున్నాడంటూ ప్రచారం జరుగుతోంది. అయితే దీనిపై పూర్తి స్పష్టత లేదు.
పవన్ తన కెరీర్లో ఇప్పటి వరకు ద్విపాత్రాభినయం చేయకపోవడం వల్ల ప్రస్తుతం ఈ సినిమాపై ప్రేక్షకుల్లో ఆసక్తి పెరుగుతోంది. కొన్ని రోజుల్లో క్లారిటీ వచ్చే అవకాశాలున్నాయి. హీరోయిన్ వివరాలను ఇప్పటివరకు ఖరారు చేయలేదు చిత్ర బృందం. ఈ చిత్రానికి ఎం.ఎం.కీరవాణి సంగీతం సమకూరుస్తున్నాడు.
ఇదీ చూడండి.. "ఆడు కనబడితే నిప్పుకణం నిలబడినట్టుంటది"
