పవన్ కల్యాణ్ కథానాయకుడిగా శ్రీరామ్‌ వేణు దర్శకత్వంలో తెరకెక్కిన చిత్రం 'వకీల్సాబ్'. శ్రుతిహాసన్‌, నివేదా థామస్‌, అంజలి, అనన్య నాగళ్ల ముఖ్య పాత్రలు పోషించారు. సోమవారం ఈ చిత్ర ట్రైలర్ విడుదలైంది. 'కోర్టులో వాదించడమూ తెలుసు.. కోటు తీసి కొట్టడమూ తెలుసు' అంటూ టీజర్‌లో అదరగొట్టిన పవన్ ఈసారి మరింత పవర్‌ఫుల్‌గా కనిపించారు. హైదరాబాద్‌ సహా వివిధ జిల్లాల్లోని థియేటర్‌లలో వకీల్సాబ్ ట్రైలర్ను ప్రత్యేకంగా ప్రదర్శించారు. ఈ సందర్భంగా థియేటర్ల వద్ద పవన్ అభిమానుల కోలాహలం నెలకొంది.
- " class="align-text-top noRightClick twitterSection" data="">
బాలీవుడ్‌లో విజయవంతమైన 'పింక్‌'కి రీమేక్‌గా రూపొందుతోన్న చిత్రమిది. పవన్ ఇమేజ్‌ని దృష్టిలో పెట్టుకొని కథలో చాలా మార్పులు చేశారు. తమన్‌ స్వరాలు సమకూరుస్తున్న ఈ చిత్రాన్ని శ్రీ వేంకటేశ్వర క్రియేషన్స్‌ పతాకం దిల్రాజు, శిరీశ్‌ నిర్మిస్తున్నారు. బోనీకపూర్‌ సమర్పకులుగా వ్యవహరిస్తున్నారు. ఇప్పటికే చిత్రీకరణ పూర్తి చేసుకున్న ఈ సినిమా ఏప్రిల్ 9న ప్రేక్షకుల ముందుకొస్తోంది.
ఆర్టీసీ క్రాస్ రోడ్స్లోని సుదర్శన్ థియేటర్లో ట్రైలర్ విడుదల కార్యక్రమానికి నిర్మాత దిల్ రాజు, దర్శకుడు వేణుశ్రీరామ్ విచ్చేశారు. వందలాది మంది పవన్ అభిమానుల సమక్షంలో 'వకీల్సాబ్' ట్రైలర్ను వీక్షించారు. ఈ సందర్భంగా మాట్లాడిన దిల్రాజు.. ఏప్రిల్ 9న అభిమానులకు కడుపునిండా భోజనం లాంటి సినిమా రాబోతుందని అన్నారు.
ఇదీ చూడండి: 'వకీల్సాబ్' ట్రైలర్ రిలీజ్ డేట్ ఫిక్స్
