పవర్స్టార్ పవన్కల్యాణ్ రీఎంట్రీ ఇస్తున్న సినిమా 'వకీల్సాబ్'. కరోనా ప్రభావం ఉండకపోయింటే చిత్రీకరణ పూర్తయి, మేలో ప్రేక్షకుల ముందుకొచ్చేది. కానీ ఇప్పుడున్న పరిస్థితుల వల్ల చిత్ర విడుదల ఆలస్యమవనుంది. ఇలాంటి సమయంలో చిత్రబృందం, నిర్మాణనంతర కార్యక్రమాలపై దృష్టిపెట్టింది. ఇందులో భాగంగా హీరో పవన్ కల్యాణ్ 'వర్క్ ఫ్రమ్ హోమ్' చేయనున్నాడు.
ఈ సినిమాలోని తన పాత్రకు ఇంటినుంచే డబ్బింగ్ చెప్పాలని భావిస్తున్నాడు పవన్. అందుకు తగ్గ ఏర్పాటు అన్ని చేస్తున్నారు నిర్మాత దిల్రాజు. త్వరలో ఈ పనులు ప్రారంభం కానున్నాయి.
బాలీవుడ్ హిట్ 'పింక్' రీమేక్గా ఈ సినిమా తీస్తున్నారు. ఇందులో పవన్ న్యాయవాదిగా కనిపించనుండగా.. అంజలి, నివేదా థామస్ కీలక పాత్రలు పోషిస్తున్నారు. తమన్ సంగీతమందిస్తున్నాడు. వేణు శ్రీరామ్ దర్శకత్వం వహిస్తున్నాడు. ఈ ప్రాజెక్టుతో పాటే క్రిష్ దర్శకత్వంలోనూ నటిస్తున్నాడు పవన్. దీని తర్వాత హరీశ్ శంకర్తో కలిసి పనిచేయనున్నాడు.
