హాలీవుడ్ ప్రముఖ దర్శకురాలు పాటీ జెంకిన్స్ 2017లో తెరకెక్కించిన చిత్రం 'వండర్ వుమన్'. ఇప్పుడు ఆ సినిమా సీక్వెల్లో భాగంగా 'వండర్ వుమన్ 1984' రాబోతోంది. గాల్ గాడోట్ ప్రధాన పాత్రలో నటించిన ఈ సినిమా ట్రైలర్ ఇటీవలె విడుదలైంది. ఈ ప్రచార చిత్రంలో వండర్ వుమన్‌గా గాల్ చేసిన యాక్షన్‌ ఘట్టాలు ఆకట్టుకునేలా ఉన్నాయి. వచ్చే ఏడాది జూన్ 5న ప్రేక్షకుల ముందుకు రానుంది చిత్రం.
తాజాగా దర్శకురాలు జెంకిన్స్ ఓ ఆసక్తికర విషయాన్ని పంచుకుంది. త్వరలోనే ఈ సినిమా సీక్వెల్గా వండర్ వుమెన్- 3 చిత్రీకరించే ఆలోచన చేస్తున్నట్లు తెలిపింది.
ఇప్పటికే 'వండర్ వుమన్ 3' కథను సిద్ధం చేసుకున్నాము. మరోవైపు అమెజాన్తో సంయుక్తంగా స్పిన్ ఆఫ్ చిత్రాన్ని రూపొందిస్తున్నాము. ఇప్పటి వరకు ఈ రెండు సినిమాలను త్వరితంగా పూర్తి చేశాం. కానీ మూడో చిత్రానికి కాస్త విరామం ఇద్దామనుకుంటున్నాను. ఈ మధ్యలో వేరే సినిమాలు చేయాలనుకుంటున్నాను.
ప్యాటీ జెంకిన్స్, హాలీవుడ్ సినీ నటి
కామిక్స్ ఆధారంగా ప్యాటీ జెంకిన్స్ దర్శకత్వం వహించిన 'వండర్ వుమన్' మొదటి భాగం 2017లో విడుదలైంది. ఈ చిత్రం ఎన్నో విమర్శలను అందుకున్నా.. బాక్సాఫీసు వద్ద మంచి విజయాన్ని సాధించింది. విడుదలైన మొదటి వారంలోనే రికార్డు స్థాయిలో వసూళ్లు చేసింది.
- " class="align-text-top noRightClick twitterSection" data="">
ఇదీ చూడండి: వెండితెర నాయికల '2019' ప్రయాణం సాగిందిలా..!
