నేడు (మంగళవారం) భారత్ 72వ గణతంత్ర దినోత్సవాన్ని జరుపుకొంటోంది. దీంతో ఈ రోజు దేశభక్తిని పెంపొందించే సినిమాలు టీవీల్లో సందడి చేస్తాయి. కొందరు తమ మొబైల్స్లోనూ అలాంటి చిత్రాలను వీక్షించడానికి ఆసక్తి చూపిస్తారు. దేశభక్తిని పెంపొందించే ఎన్నో చిత్రాలు ఈ 72 ఏళ్లలో చాలానే వచ్చాయి. టాలీవుడ్‌‌లోనూ పలు సినిమాలు వచ్చి అలరించాయి. స్టార్ హీరోలూ తమ సినిమాల్లో దేశభక్తి నేపథ్యంలోని కథలను ఎంచుకుని హిట్టు కొట్టారు. అలా దేశభక్తి ప్రధానంగా టాలీవుడ్లో రూపొందిన చిత్రాలపై ఓ లుక్కేద్దాం.
బొబ్బిలి పులి
1982లో ఎన్టీఆర్ ప్రధానపాత్రలో వచ్చిన చిత్రం 'బొబ్బలి పులి'. దాసరి నారాయణరావు దర్శకత్వం వహించిన ఈ చిత్రంలో శ్రీదేవి, మురళీ మోహన్, జగ్గయ్య, కైకాల సత్యనారాయణ తదితరులు కీలక పాత్రల్లో నటించారు. దేశభక్తి ప్రధానంగా వచ్చిన ఈ చిత్రం అప్పట్లో ఘన విజయం అందుకుంది.
- " class="align-text-top noRightClick twitterSection" data="">
అల్లూరి సీతారామరాజు
1974లో కృష్ణ హీరోగా వచ్చిన చిత్రం 'అల్లూరి సీతారామరాజు'. స్వాతంత్య్ర సమరయోధుడు అల్లూరి సీతారామరాజు జీవితం ఆధారంగా తెరకెక్కించిన ఈ చిత్రం ఎన్నో అవార్డులు, రివార్డులను సాధించింది. ఇది కృష్ణ నటించిన 100వ చిత్రం కావడం విశేషం.
- " class="align-text-top noRightClick twitterSection" data="">
సుభాష్ చంద్రబోస్
వెంకటేశ్, శ్రియ, జెనీలియా ప్రధాన పాత్రల్లో నటించిన చిత్రం 'సుభాష్ చంద్రబోస్'. కె.రాఘవేంద్ర రావు దర్శకత్వం వహించిన ఈ చిత్రంలో రెండు విభిన్న పాత్రల్లో వెంకీ నటన ఆకట్టుకుంటుంది. మణిశర్మ సంగీతం అలరిస్తుంది. అలాగే ఫ్లాష్బ్యాక్లో వెంకీ పాత్ర దేశభక్తిని పెంపొందించేలా ఉంటుంది.
- " class="align-text-top noRightClick twitterSection" data="">
మేజర్ చంద్రకాంత్
ఎన్టీఆర్, మోహన్బాబు ప్రధానపాత్రల్లో కె.రాఘవేంద్ర రావు తెరకెక్కించిన చిత్రం 'మేజర్ చంద్రకాంత్'. కీరవాణి సంగీతం అందించిన ఈ చిత్రంలోని పాటలు ఇప్పటికీ తెలుగు ఇళ్లలో మారుమోగుతూనే ఉన్నాయి. 'పుణ్యభూమి నా దేశం' అనే పాటలో ఎన్టీఆర్.. శివాజీ, వీరపాండ్య కట్ట బ్రహ్మన, అల్లూరి సీతారామరాజు, నేతాజీ సుభాష్ చంద్రబోస్ పాత్రల్లో కనిపించి అలరించారు.
- " class="align-text-top noRightClick twitterSection" data="">
భారతీయుడు
1996లో దర్శకుడు శంకర్ తెరకెక్కించిన చిత్రం 'భారతీయుడు'. లంచగొండితనాన్ని అరికట్టేందుకు నడుం బిగించిన ఓ భారతీయుడి పాత్రలో కమల్ నటనకు మంచి మార్కులు పడ్డాయి. ప్రస్తుతం ఈ చిత్రానికి సీక్వెల్‌ తెరకెక్కుతోంది. ఇందులో కమల్తో పాటు కాజల్, సిద్దార్థ్ కీలకపాత్రలు పోషిస్తున్నారు.
- " class="align-text-top noRightClick twitterSection" data="">
ఖడ్గం
విభిన్న చిత్రాల దర్శకుడు కృష్ణవంశీ తెరకెక్కించిన దేశభక్తి చిత్రం 'ఖడ్గం'. శ్రీకాంత్, రవితేజ, ప్రకాశ్ రాజ్ ప్రధాన పాత్రల్లో తెరకెక్కిన ఈ చిత్రం అప్పట్లో బాక్సాఫీస్ వద్ద బ్లాక్బస్టర్గా నిలిచింది. ఇండియాలో హిందూ, ముస్లింల మధ్య స్నేహ బంధం.. తమ దేశం జోలికొస్తే అందరం ఒక్కటవుతామనే సందేశంతో తెరకెక్కిన ఈ సినిమా ప్రేక్షకుల్ని ఎంతగానో అలరించింది. దేవిశ్రీ ప్రసాద్ సంగీతం అందించిన ఈ చిత్రంలోని పాటలు ఇప్పటికీ ఆకట్టుకుంటేనే ఉన్నాయి.
- " class="align-text-top noRightClick twitterSection" data="">
మహాత్మ
శ్రీకాంత్, భావన ప్రధాన పాత్రల్లో కృష్ణవంశీ తెరకెక్కించిన పొలిటికల్ డ్రామా 'మహాత్మ'. ఒక వీధి రౌడీ గాంధీ మార్గంలో ప్రయాణించి ఎలా మంచివాడిగా మారాడనేది కథాంశం. ఇందులోని పాటలు, సన్నివేశాలు దేశభక్తిని ఎంతగానో పెంపొదిస్తాయి.
- " class="align-text-top noRightClick twitterSection" data="">
ఇవే కాకుండా సైరా నరసింహా రెడ్డి, పరమవీర చక్ర, ఆజాద్, ఘాజీ, కొమురం పులి, జై, నేటి భారతం వంటి చిత్రాలు దేశభక్తిని పెంపొదిస్తాయి.
