లవర్‌బాయ్‌గా విశ్వక్‌ సేన్‌ నటించిన చిత్రం 'పాగల్'. నివేదా పేతురాజ్‌ కథానాయిక. సిమ్రన్‌ చౌదరి, మేఘాలేఖ, రాహుల్‌ రామకృష్ణ, మురళీశర్మ తదితరులు కీలక పాత్రలు పోషించారు. నరేశ్‌ కొప్పిలి దర్శకత్వం వహించిన ఈ సినిమా ఆగస్టు 14న ప్రేక్షకుల ముందుకు రానుంది. ఈ సందర్భంగా 'ఆగవే నువ్వాగవే.. పోయో ఊపిరి నువ్వాపవే' గీతాన్ని విడుదల చేశారు.
- " class="align-text-top noRightClick twitterSection" data="">
పెళ్లి పాట రెడీ..
స్టార్ డైరెక్టర్ కె.రాఘవేంద్రరావు దర్శకత్వ పర్యవేక్షణలో రూపొందుతున్న చిత్రం 'పెళ్లి సంద..డి'. ఇందులోని టైటిల్ లిరికల్ వీడియోను ఆగస్టు 12(గురువారం) ఉదయం 11 గంటలకు విడుదల చేయనున్నట్లు వెల్లడించారు. రోషన్, శ్రీలీల హీరోహీరోయిన్లుగా నటిస్తున్నారు. గౌరీ రోనంకి దర్శకత్వం వహిస్తున్నారు.
రాజ'శేఖర్' వచ్చేస్తున్నారు..
హీరో రాజశేఖర్‌ కొత్త సినిమా 'శేఖర్'. లలిత్‌ డైరెక్టర్. ఈ చిత్ర షూటింగ్ బుధవారం(ఆగస్టు 11) నుంచి ప్రారంభమైంది. ఇందుకు సంబంధించిన ఓ పోస్టర్ను విడుదల చేశారు. ఇందులో ఇద్దరు హీరోయిన్లు సందడి చేయనున్నారు. అనూప్ రూబెన్స్ సంగీతం అందిస్తున్నారు.
చోరుడు వచ్చేది అప్పుడే..
శ్రీవిష్ణు దొంగగా నటిస్తున్న చిత్రం 'రాజ రాజ చోర'. ఇటీవల విడుదలైన టీజర్.. అంచనాలను పెంచేస్తోంది. ఈ సినిమాను ఆగస్టు 19న థియేటర్లలోకి తీసుకురానున్నట్లు అధికారికంగా ప్రకటించారు. మేఘా ఆకాశ్ హీరోయిన్. హసిత్ గోలి దర్శకుడు.
విక్రాంత్ రోణ..
కన్నడ స్టార్ కిచ్చా సుదీప్ పాన్ ఇండియా సినిమా 'విక్రాంత్ రోణ'. జాక్వెలిన్ ఫెర్నాండెజ్ హీరోయిన్. బుధవారం ఆమె పుట్టినరోజు సందర్భంగా పోస్టర్ను విడుదల చేసింది చిత్రబృందం. ఈ చిత్రం ఆగస్టు 19న ప్రేక్షకుల ముందుకు రానుంది. తెలుగు, హిందీ, తమిళ, మలయాళం, కన్నడతో పాటు మరో ఐదు విదేశీ భాషల్లో రిలీజ్ కానుంది. అనూప్ భండారి దర్శకత్వం వహించారు.
'బజార్ రౌడీ' సంపూ..
బర్నింగ్ స్టార్ సంపూర్ణేశ్ బాబు కొత్త సినిమా 'బజార్ రౌడి'. మెగాస్టార్ పుట్టినరోజు సందర్భంగా ఈ చిత్రాన్ని ఆగస్టు 20న విడుదల చేయనున్నట్లు ప్రకటించారు. కొత్త పోస్టర్ను రిలీజ్ చేశారు. వసంత నాగేశ్వరరావు దర్శకత్వం వహించారు.
ఇదీ చదవండి: హీరోయిన్ కృతిశెట్టిపై డైరెక్టర్ ఫైర్.. ఎందుకంటే?
