ఆస్కార్ చిత్రోత్సవం అంటే అందరికీ అవార్డు మాత్రమే తెలుసు. ఇందులో విజేతలకు బంగారం పూత పూసిన ప్రతిమ ఇస్తారు. పురస్కారం దక్కించుకున్నవారికే కాకుండా నామినేట్ అయిన వారికీ ఓ ప్రత్యేకమైన గిఫ్ట్బాక్స్ లభిస్తుంది. దాని విలువ దాదాపు కోటిన్నర రూపాయలు ఉంటుంది. మరి అంత విలువైన గిఫ్ట్ బాక్స్లో ఏముంటాయో తెలుసా.?
1)విలాసవంతమైన బస..
విజేతలకు లాస్ కాబోస్లో విలాసవంతమైన అబెర్గ్ రిసార్ట్లో బసచేసే సదుపాయం కల్పిస్తారు. నామినీలకు మెక్సికోలోని విలాసవంతమైన రిసార్ట్లో రెండు రోజులు ఉండేందుకు అవకాశం కల్పిస్తారు. అక్కడ సాధారణంగా ఒక రోజుకు 85 వేల నుంచి 4 లక్షల రూపాయల వరకు ఖర్చవుతుంది.
- " class="align-text-top noRightClick twitterSection" data="
">
2) 12 రోజుల క్రూయిజ్ ప్రయాణం
ఆస్కార్ 2020 గిఫ్ట్బాక్స్లో అత్యంత ఖరీదైన పర్యటనకు టికెట్లు ఉంటాయి. అంటార్కిటిక్, మధ్యధరా మీదుగా 12 రోజులు క్రూయిజ్ నౌకలో ప్రయాణించొచ్చు. ఇందుకు 55 లక్షల రూపాయలను వెచ్చిస్తోంది ఆస్కార్ అకాడమీ.
- " class="align-text-top noRightClick twitterSection" data="
">
3) గ్యాంగ్తో గడపడానికి..
స్పెయిన్లోని ప్రముఖ లైట్హౌస్ ఫారో కంప్లిడాలో నామినీలు గడపడానికి ఏర్పాట్లు చేస్తారు. ఇందుకోసం వారికి జతగా బృందాన్ని తీసుకెళ్లేందుకు అనుమతిస్తారు. ఇందులో నామినేట్ అయిన వ్యక్తితో సహా 8 మంది అతిథులు బస చేసే అవకాశం కల్పిస్తారు.
4) నటీమణులకు స్మార్ట్ 'బ్రా'
ఆస్కార్‌కు నామినేట్ అయిన నటీమణుల గిఫ్ట్బాక్స్లో స్మార్ట్ బ్రాను బహుకరిస్తారు. ఇది వక్షోజాల కొలతల గుర్తించేందుకు ఉపయోగపడుతుంది. ఫలితంగాకచ్చితమైన లోదుస్తులు ఎంపిక చేసుకునేందుకు పనికొస్తుంది.
5) అంతా బంగారమే..
విజేతలకు బంగారు ఆస్కార్ ప్రతిమతో పాటు.. బంగారపు పూతతో ఉన్న ఎలక్ట్రానిక్ సిగరెట్, సబ్బులు, లారియట్ నెక్లెస్ను బహుకరిస్తారు.
6) గంజాయి-ప్రేరేపిత చాక్లెట్లు
ఇటీవలే గంజాయిని చట్టబద్ధం చేయటం వల్ల గంజాయితో చేసిన చాక్లెట్లను ఇందులో జోడించారు.
7) ఫోర్టే విశ్లేషణ వ్యవస్థ
బ్యాగ్‌లోని అత్యంత విచిత్రమైన వస్తువు.. ఫోర్టే మెడికల్ మూత్ర సేకరణ పరికరం. ఇది యూరిన్ను విశ్లేషించుకునేందుకు ఉపయోగపడుతుంది.
8) కార్డ్ గేమ్
ఆస్కార్ నామినీల బహుమతి బ్యాగ్లో 'కార్డు గేమ్' బాక్స్లు ఉంటాయి. బ్యాగ్లో ఖరీదైన ఐటమ్స్ కాకుండా ఇలాంటి వింతైన వస్తువులనూ ఇందులో చేర్చారు.
9) స్కై లైట్ ప్రొజెక్టర్..
స్కై లైట్ ప్రొజెక్టర్ ఇందులో ఉంచుతారు. ఇది గోడలపై నక్షత్ర కాంతులను కాంతులను విరజిమ్ముతుంది.
నామినీలు ఈ బహుమతులను స్వచ్ఛంద సంస్థలకు అప్పగించే అవకాశం ఉంది. గతంలో 'ది వైఫ్' కోసం నామినేటైన గ్లెన్ క్లోస్ మాత్రమే ఆమెకు బహుకరించిన వాటిని స్వచ్ఛంద సంస్థకు ఇచ్చింది.
ఆస్కార్ 2020 వేడుకలో ఎవ్వరూ విరాళాల రూపంలో వాటిని ఇవ్వలేదు. ఫోర్బ్స్ ప్రకారం నామినీలు ఆ వస్తువులపై ఆదాయపు పన్ను చెల్లించాల్సి ఉంటుంది.
ఇదీ చూడండి.. ఆస్కార్ విజేతలు వీరే.. 'పారాసైట్'కు అవార్డుల మోత
