సమాజంలో ప్రతి ఇంట్లోనూ కనిపిస్తున్న... ప్రేమ, పెళ్లి, విడాకులనే అంశాలపై రూపొందిన తమిళ సినిమా 'ఓ మై కడవులే'. ఇటీవలే ట్రైలర్ విడుదలైంది. యూట్యూబ్లో వచ్చిన గంటలోనే మిలియన్ వ్యూస్ సొంతం చేసుకుంది. విజయ్ సేతుపతి, రితికా సింగ్, అశోక్ సెల్వన్, వాణి భోజన్ ప్రధాన పాత్రల్లో కనిపించనున్నారు.
స్నేహితులైన హీరోహీరోయిన్లకు(అబ్బాయి-అమ్మాయి) అనుకోకుండా పెళ్లి జరుగుతుంది. ఆ తర్వాత వారిద్దరి మధ్యకు మరో అమ్మాయి(వాణి భోజన్) వస్తుంది. ఆ తర్వాత వారి జీవితంలో ఎలాంటి మార్పులు చోటుచేసుకున్నాయి. ఏం జరిగింది? అనేదే ఈ చిత్ర కథ అనే ట్రైలర్ చూస్తుంటే తెలుస్తుంది. "భార్య.. ఫ్రెండ్ అయితే పర్వాలేదు గాని, ఓ ఫ్రెండ్.. భార్య అయితే?" అని హీరో చివర్లో చెప్పే డైలాగ్ సినిమాపై ఆసక్తి రేపుతోంది.
ఇందులో డైరెక్టర్ గౌతమ్‌మీనన్‌.. తన నిజజీవిత పాత్రనే పోషించాడు. అశ్వత్‌ మారిముత్తు ఈ చిత్రంతో దర్శకుడిగా పరిచయమవుతున్నారు. ఢిల్లీరావు నిర్మాతగా వ్యవహరించారు. ప్రేమికుల దినోత్సవం సందర్భంగా ఈ నెల 14న ప్రేక్షకుల ముందుకు రానుందీ చిత్రం.
- " class="align-text-top noRightClick twitterSection" data="">
ఇదీ చదవండి: అందుకే సినిమాలకు తాత్కాలిక విరామం: అనుష్క శర్మ
