'ఆర్ఆర్ఆర్' ట్రైలర్ లాంచ్ కార్యక్రమం ముంబయిలో వేడుకగా జరిగింది. ఈ ఈవెంట్లో దర్శకుడు రాజమౌళి, హీరో ఎన్టీఆర్, నిర్మాత దానయ్యతో పాటు అజయ్ దేవ్గణ్, హీరోయిన్ ఆలియా భట్ పాల్గొన్నారు. ఈ క్రమంలో రిపోర్టర్లు అడిగిన పలు ప్రశ్నలకు వీరు సమాధానాలిచ్చారు. తారక్.. 'నాటు నాటు' పాట గురించి ఆసక్తికర విషయాన్ని పంచుకున్నారు.
- " class="align-text-top noRightClick twitterSection" data="">
"నాటు నాటు' పాటలో వేసే స్టెప్పు చాలా సులభమే. కానీ రాజమౌళి మానిటర్ ప్రతి మూమెంట్ను క్షుణ్ణంగా పరిశీలించేవారు. దీంతో నాటు నాటు స్టెప్పు కరెక్ట్గా రావడానికి 18 టేక్స్ పట్టింది. ఈ పాటను ఉక్రెయిన్లో షూట్ చేశాం. అక్కడ ఉదయం 6 గంటల నుంచి రాత్రి 8 గంటల వరకు వెలుతురు ఉండేది. దీంతో రాజమాళి మాతో ఆ సమయం అంతా ప్రాక్టీసు చేయిస్తూనే ఉండేవారు(నవ్వుతూ)" అని ఎన్టీఆర్ చెప్పారు.
పాన్ ఇండియా కథతో తీసిన ఈ సినిమాలో ఎన్టీఆర్ కొమరం భీమ్గా, రామ్చరణ్ అల్లూరి సీతారామరాజు పాత్రల్లో నటించారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించారు. రాజమౌళి దర్శకత్వం వహించారు. డీవీవీ దానయ్య దాదాపు రూ.450 కోట్ల బడ్జెట్తో నిర్మించారు. జనవరి 7న ప్రపంచవ్యాప్తంగా థియేటర్లలో ఈ సినిమా విడుదల కానుంది.
గురువారం ఉదయం విడుదలైన ట్రైలర్ అభిమానులకు గూస్బంప్స్ తెప్పిస్తోంది. ఒక్కో షాట్ మైండ్ పోతుంది లోపల అని గోల గోల చేస్తున్నారు. సినిమా ఎప్పుడెప్పుడు వస్తుందా అని ఆత్రుతగా ఎదురుచూస్తున్నారు.
- " class="align-text-top noRightClick twitterSection" data="">
ఇవీ చదవండి:
