బాలీవుడ్ మెగాస్టార్ అమితాబ్ బచ్చన్ నటించిన సూపర్హిట్ చిత్రం 'డాన్'. అమితాబ్ ద్విపాత్రాభినయం చేసిన ఈ సినిమా 1978 మే 12న విడుదలైంది. నేటితో 42 ఏళ్లు పూర్తి చేసుకుంది. బాంబే అండర్ వరల్డ్ డాన్గానూ, విజయ్ అనే పాత్రల‌లో నటించి ప్రేక్షకులను అల‌రించారు బిగ్ బీ. అయితే ఈ ప్రత్యేకమైన రోజున దానికి సంబంధించిన కొన్ని జ్ఞాపకాలను గుర్తుచేసుకున్నారు అమితాబ్.
"డాన్' సినిమా దర్శకుడు చంద్ర బరోత్, రచయిత సలీమ్ జావేద్లు టైటిల్ ప్రకటించిన తర్వాత పంపిణీదారుల నుంచి తీవ్ర వ్యతిరేకత నెలకొంది. ఆ సమయంలో ప్రసిద్ధ బ్రాండైన డాన్ లోదుస్తుల పేరు పెడుతున్నామని వారంతా భావించారు. 'డాన్' అనే పదానికి అర్థం అప్పటివరకు అంతగా ఎవరికి తెలియదు. ఈ సినిమాలో పాపులరైన 'కైకే పాన్ బనారస్' పాటకు స్టెప్పులను నా కొడుకు అభిషేక్ దగ్గర నేర్చుకున్నా. ఆ పాట విన్న తర్వాత అభిషేక్ వేసిన మూమెంట్లను నేను వేస్తూ అందులో నటించాను. నిర్మాత నారీమన్ ఇరానీ.. ఈ చిత్ర విడుదలకు ముందే మృతి చెందటం బాధ కలిగించింది".
-అమితాబ్ బచ్చన్, కథానాయకుడు
యాక్ష‌న్ థ్రిల్ల‌ర్‌గా తెర‌కెక్కిన ఈ చిత్రానికి చంద్ర బరోత్ దర్శకత్వం వహించగా.. నారీమన్ ఇరానీ నిర్మించారు. అమితాబ్, జీన‌త్ అమ‌న్‌, ప్రాణ్, ఇఫ్తీక‌ర్‌, హెల‌న్‌, ఓమ్ శివ‌పురి, స‌త్తేన్ క‌ప్పు, మెక్ మోహ‌న్, యూసుఫ్ ఖాన్, పించు క‌పూర్ ముఖ్య పాత్ర‌లు పోషించారు. క‌ల్యాణీ ఆనంద్ జీ సంగీతం అందించారు.
ఇదీ చూడండి.. 'కార్మికుల్ని అలా చూసి మనసు చలించిపోయింది'
