హీరో రామ్ నటించిన 'ఇస్మార్ట్ శంకర్'కు గుమ్మడికాయ కొట్టేశారు. త్వరలో మరో చిత్రాన్ని ప్రారంభించనున్నాడీ కథానాయకుడు. కిశోర్ తిరుమల దర్శకుడు. వీరిద్దరూ ఇంతకు ముందు 'నేను శైలజ', 'ఉన్నది ఒకటే జిందగీ' చిత్రాలకు కలిసి పనిచేశారు. ఇప్పుడు హ్యాట్రిక్ కొట్టేందుకు సిద్ధమవుతున్నారు. హీరోయిన్గా నివేదా పేతురాజ్ కనిపించనుంది.
నివేదా.. కిషోర్‌ తిరుమల తెరకెక్కించిన ‘చిత్రలహరి’లో నటించింది. ఇటీవలే ప్రేక్షకుల ముందుకొచ్చిన ‘బ్రోచేవారెవరురా’ చిత్రంలోనూ సందడి చేసింది. ప్రస్తుతం అల్లు అర్జున్‌ సరసన నటిస్తోంది. రామ్ చిత్రంలో నివేదాతోపాటు, మరో ప్రముఖ కథానాయిక ఉంటుందని సమాచారం.
ఇది చదవండి: రోడ్డుపై సిగరెట్ తాగి.. ఫైన్ కట్టిన టాలీవుడ్ హీరో రామ్
