ఎటువంటి పాత్రనైనా బిడియం లేకుండా పోషించి తన నటనతో పాటు, అందంతో ప్రేక్షకాభిమానాన్ని సొంతం చేసుకున్న హీరోయిన్ నివేదా థామస్. చివరగా రజనీకాంత్ 'దర్బార్'లో కనిపించిన ఈ భామ.. ప్రభాస్ హీరోగా దర్శకుడు నాగ్ అశ్విన్ తెరకెక్కిస్తున్న సినిమాలో కీలక పాత్ర పోషించనున్నట్లు సమాచారం. ఇటీవలే నాగ్ అశ్విన్ నివేదాను కలిసి తన పాత్రను వివరించగా.. ఆమెకు విపరీతంగా నచ్చిందట. త్వరలోనే దీనిపై చిత్రబృందం అధికారిక ప్రకటన చేయనున్నట్లు తెలుస్తోంది.
ఈ ఏడాది ప్రారంభంలో ప్రభాస్ 21వ చిత్రం ఖరారైనట్లు వైజయంతి మూవీస్ అధికారికంగా ప్రకటించింది. పాన్ ఇండియా సినిమాగా రూపొదించనున్నట్లు స్పష్టం చేసింది.సైన్స్ ఫిక్షన్ థ్రిల్లర్ నేపథ్యంలో తెరకెక్కించనున్నారు. బాలీవుడ్ హీరోయిన్ దీపికా పదుకొణె ఈ సినిమాలో డార్లింగ్ సరసన కనిపించనుంది. ప్రస్తుతం ప్రభాస్ 'రాధేశ్యామ్' సినిమాలో నటిస్తున్నాడు. దీని తర్వాతే నాగ్ అశ్విన్తో చిత్రం పట్టాలెక్కనుంది.
