నేచురల్ స్టార్ నాని, సుధీర్ బాబు ప్రధాన పాత్రల్లో తెరకెక్కిన మల్టీస్టారర్ 'వి'. చిత్రీకరణ పరంగా అన్ని పనులు పూర్తి చేసుకొని మార్చి 25న విడుదలకు సిద్ధమైన తరుణంలో కరోనా వచ్చి అడ్డుపడింది. దీంతో సినిమాను వాయిదా వేయాల్సి వచ్చింది. ఈ చిత్రం ఓటీటీ ప్లాట్ఫామ్ వేదికగా విడుదల కానున్నట్లు ఇటీవలే వార్తలు వినిపించాయి. అయితే, అలాంటి ఆలోచన లేదని చిత్ర నిర్మాతలు తెలిపారు. తాజాగా, మెల్లిమెల్లిగా థియేటర్లు తెరుచుకుంటున్న నేపథ్యంలో క్రిస్మస్ కానుకగా 'వి' చిత్రాన్ని విడుదల చేయాలని చూస్తున్నారని సమాచారం.
ఈ సినిమాలో నాని సీరియల్ కిల్లర్గా విలన్ పాత్రలో కనిపించనున్నాడు. నివేదా థామస్, అతిదీ రావ్ హైదరీ హీరోయిన్లు. ఇంద్రగంటి మోహనకృష్ణ దర్శకత్వం వహించాడు. అమిత్ త్రివేది స్వరాలు సమకూర్చగా.. దిల్ రాజు నిర్మాణంలో తెరకెక్కింది.
