తెలుగు సినిమాకు ప్రాంతీయ కథల అవసరం ఎంతో ఉందని నేచురల్ స్టార్ నాని అన్నారు. మన నేలపై పుట్టే కథలతో వస్తే ప్రేక్షకులు తప్పకుండా ఆదరిస్తారన్నారు. ఆయన నటించిన కొత్త చిత్రం 'టక్ జగదీష్' ఏప్రిల్ 23న ప్రేక్షకుల ముందుకు రాబోతుంది. ఈ సందర్భంగా సినిమా ప్రచారాన్ని ముమ్మరంగా సాగిస్తున్న చిత్రబృందం.. ఈ నెల 13న విశాఖపట్నంలో ఈ చిత్ర ట్రైలర్ను విడుదల చేయాలని నిర్ణయించింది. ఇందులో భాగంగా దీనికి సంబంధించిన పోస్టర్ను హైదరాబాద్లో నాని లాంఛనంగా విడుదల చేశారు.
ఉగాది పండగతోపాటు 'టక్ జగదీష్' పండగ ప్రతి ఇంట్లో ఆనందాన్ని నింపుతుందన్నారు నాని. ఇంటిల్లిపాదిని అలరించేలా ఈ సినిమా ఉంటుందని చెప్పిన నాని.. ఈ చిత్రం ఘన విజయం సాధిస్తుందని ఆశాభావం వ్యక్తం చేశారు. శివ నిర్వాణ దర్శకత్వంలో నాని నటించిన రెండో చిత్రం 'టక్ జగదీశ్'.. ఆయన సరసన రీతూవర్మ కథానాయికగా నటించింది. జగపతిబాబు, రావు రమేశ్, నాజర్ కీలక పాత్రలు పోషించారు.
ఇది చూడండి: లైవ్ : హీరో నాని 'టక్ జగదీశ్' చిత్ర వేడుక
