Nani dasara movie: నేచురల్ స్టార్ నాని ఫుల్ జోరుమీదున్నాడు. 'శ్యామ్సింగరాయ్'తో సక్సెస్ కొట్టిన అతడు.. 'అంటే సుందరానికీ' షూటింగ్ పూర్తిచేశారు. ఈ సినిమా వేసవిలో థియేటర్లలోకి రానుంది. ఇప్పుడు 'దసరా' మొదలుపెట్టేశారు. ఈ చిత్రం బుధవారం, హైదరాబాద్లో లాంఛనంగా ప్రారంభమైంది.
ఖమ్మం నేపథ్య కథతో తీస్తున్న ఈ సినిమాలో నాని.. ఫుల్ గెడ్డంతో, మాస్ లుక్లో కనిపించనున్నారు. తెలంగాణ యాసలోనూ డైలాగ్స్ పలికేందుకు సిద్ధమవుతున్నారు. ఇందులో హీరోయిన్గా కీర్తి సురేశ్ నటించనుంది. సుకుమార్ శిష్యుడు శ్రీకాంత్ ఓదెల దర్శకుడిగా పరిచయమవుతున్నారు. త్వరలో ఇతర వివరాలు వెల్లడించనున్నారు.
kalavathi song: మహేశ్బాబు కొత్త సినిమా 'సర్కారు వారి పాట'. ఇందులోని 'కళావతి' సాంగ్ ప్రస్తుతం యూట్యూబ్లో సెన్షేసన్ సృష్టిస్తోంది. ఈ క్రమంలో సరికొత్త రికార్డు సొంతం చేసుకుంది. టాలీవుడ్లో అత్యంత వేగంగా 1 మిలియన్ లైకులు అందుకున్న పాటగా నిలిచింది.
- " class="align-text-top noRightClick twitterSection" data="">
బ్యాంక్ పన్నుల ఎగవేత నేపథ్య కథతో తీస్తున్న ఈ సినిమాలో మహేశ్ సరసన కీర్తి సురేశ్ హీరోయిన్గా నటిస్తుంది. తమన్ సంగీతమందిస్తున్నారు. పరశురామ్ దర్శకత్వం వహిస్తున్నారు. మైత్రీ మూవీ మేకర్స్, జీఎంబీ ఎంటర్టైన్మెంట్స్, 14 రీల్స్ సంయుక్తంగా నిర్మిస్తున్నాయి. మే 12న ఈ సినిమా థియేటర్లలోకి రానుంది.
సూర్య 'ఈటీ' టీజర్ ఈనెల 18న సాయంత్రం 6 గంటలకు రిలీజ్ చేయనున్నారు. ఇందులో సూర్య సరసన ప్రియాంక మోహన్ హీరోయిన్గా చేస్తుంది. పాండిరాజ్ దర్శకత్వం వహిస్తున్నారు. ఈ చిత్రం మార్చి 10న తెలుగు, తమిళ భాషల్లో రిలీజ్ కానుంది.
ఇవీ చదవండి:
