అక్కినేని నాగార్జునకు ఘనవిజయం అందించిన సినిమా 'సోగ్గాడే చిన్నినాయన'. 2015లో వచ్చిన ఈ చిత్రం ప్రేక్షకుల్ని మెప్పించింది. బాక్సాఫీస్ వద్ద మంచి వసూళ్లను సాధించింది. ఈ మూవీలో నాగార్జున చేసిన బంగార్రాజు పాత్రకు మంచి స్పందన లభించింది. ప్రస్తుతం ఈ చిత్రానికి సీక్వెల్ రాబోతోంది. కల్యాణ్ కృష్ణ దర్శకత్వంలో వస్తోన్న ఈ చిత్రానికి 'బంగార్రాజు' అనే టైటిల్ ఖరారు చేశారు.
మొదట ఈ చిత్రాన్ని సంక్రాంతికి విడుదల చేయాలని చిత్రబృందం భావించింది. తాజాగా ఈ పండుగ బరి నుంచి 'బంగార్రాజు' తప్పుకున్నట్లు తెలుస్తోంది. ప్రస్తుతం నాగ్.. రాహుల్ రవీంద్రన్ దర్శకత్వంలో 'మన్మథుడు 2' సినిమా చేస్తున్నాడు. అనంతరం 'బిగ్బాస్-3' షోకు హోస్ట్గా వ్యవహరించనున్నాడు. ఈ కారణంగా అనుకున్న సమయానికి 'బంగార్రాజు' సినిమా సెట్స్పైకి వెళ్లేలా కనిపించడం లేదు. వచ్చే ఏడాది వేసవికి విడుదలయ్యే అవకాశం ఉంది.
ఇవీ చూడండి.. సల్మాన్ 'భారత్'కు సాటిలేరు ఎవ్వరూ.!
