*యువ హీరో విశ్వక్సేన్.. మరో ప్రేమకథలో నటించనున్నారు. 'ఓ మై కడవులే'కు రీమేక్గా ఈ చిత్రాన్ని తెరకెక్కించనున్నారు. సోమవారం లాంఛనంగా ప్రారంభమైంది. ఒరిజినల్ తీసిన అశ్వత్ మరిముత్తు దర్శకుడు. తరుణ్ భాస్కర్ మాటలు రాస్తున్నారు. త్వరలో షూటింగ్ ప్రారంభించనున్నారు.
*దుల్కర్ సల్మాన్, కాజల్, అదితీ రావు హైదరీ కలిసి నటిస్తున్న 'హే సినామిక' షూటింగ్ పూర్తయింది. కొరియోగ్రాఫర్ బృంద.. ఈ తమిళ సినిమాతో దర్శకురాలిగా మారారు. త్వరలో విడుదల తేదీ వెల్లడించనున్నారు.
*యువ హీరో నాగశౌర్య.. దర్శకుడు అనీష్ కృష్ణ దర్శకత్వంలో ఓ సినిమా చేస్తున్నారు. షూటింగ్లో భాగంగానే క్రిస్మస్ వేడుకల్ని చేసుకున్నారు. ఈ చిత్రంతో హీరోయిన్గా షెర్లీ సెటియా పరిచయమవుతోంది. ఆమె కూడా ఈ కార్యక్రమంలో పాల్గొని సందడి చేసింది.
*'ఫాదర్ కార్తిక్ చిట్టి ఉమ' సినిమాలో ఉమ పాత్ర ఫస్ట్లుక్ను విడుదల చేశారు. 'రాక్షసుడు' ఫేమ్ అభిరామి ఈ రోల్లో వైద్య విద్యార్థిగా నటిస్తోంది. ప్రధాన పాత్రలో జగపతిబాబు చేస్తున్నారు.
*శ్రీవిష్ణు మరో చిత్రానికి గ్రీన్ సిగ్నల్ ఇచ్చారు. ఈ యాక్షన్ ఎమోషనల్ డ్రామాకు ప్రదీప్ వర్మ అల్లూరి దర్శకుడు. జనవరి నుంచి షూటింగ్ మొదలు కానుంది.
- " class="align-text-top noRightClick twitterSection" data="">
