హరికథలా 'బెల్ బాటమ్' ట్రైలర్.. టీజర్తో 'షకీలా'

కొత్త సినిమా అప్డేట్స్ వచ్చేశాయి. ఇందులో 'బెల్ బాటమ్' ట్రైలర్, 'షకీలా' టీజర్, 'డర్టీ హరి' రెండో ట్రైలర్తో పాటు పలు చిత్రాల విశేషాలు ఉన్నాయి.

movie updates from bell bottom, shakeela, dirty hari, naga shourya new cinema, dhanush karnan

Published : Dec 9, 2020, 2:49 PM IST

>థ్రిల్లర్ కథతో తెరకెక్కిన కన్నడ సినిమా 'బెల్ బాటమ్'. అదే పేరుతో ఇప్పుడు తెలుగులో తీసుకొస్తున్నారు. డిసెంబరు 11న 'ఆహా' ఓటీటీలో రానున్న సందర్భంగా ట్రైలర్ను బుధవారం విడుదల చేశారు. రిషబ్ శెట్టి, హరిప్రియ హీరోహీరోయిన్లుగా నటించారు. జయతీర్థ దర్శకుడు.

>శృంగార తార షకీలా జీవితం ఆధారంగా తీస్తున్న సినిమా 'షకీలా'. డిసెంబరు 25న థియేటర్లలో విడుదల చేయనున్నారు. ఈ సందర్భంగా టీజర్ను బుధవారం రిలీజ్ చేశారు. ఇందులో రిచా చద్దా టైటిల్ రోల్ చేయగా, 'సౌత్ ఇండియన్ సూపర్స్టార్'గా పంకజ్ త్రిపాఠి నటించారు.

>ప్రముఖ నిర్మాత ఎమ్.ఎస్ రాజు దర్శకత్వం వహిస్తున్న చిత్రం 'డర్టీ హరి'. డిసెంబరు 18న రిలీజ్ కానున్న నేపథ్యంలో రెండో ట్రైలర్ను విడుదల చేశారు. రొమాంటిక్ క్రైమ్ థ్రిల్లర్ కథతో దీనిని రూపొందించినట్లు తెలుస్తోంది.

>నాగశౌర్య హీరోగా నటిస్తున్న కొత్త సినిమా షూటింగ్ బుధవారం నుంచి మొదలైంది. ఈ మేరకు చిత్రబృందం వీడియోను ట్వీట్ చేసింది. స్టైలిష్ లుక్తో కనిపించారు నాగశౌర్య. షెర్లీ సెటియా హీరోయిన్గా తెలుగులోకి ఈ సినిమాతోనే ఎంట్రీ ఇస్తోంది. అనీష్ కృష్ణ దర్శకుడు.

>కోలీవుడ్ హీరో ధనుష్.. 'కర్ణన్' చిత్రీకరణ పూర్తయింది. ఈ సందర్భంగా యూనిట్ మొత్తానికి ధన్యవాదాలు చెప్పారు. ఫొటోను ట్వీట్ చేశారు.

>అశోక్ గల్లా, నిధి అగర్వాల్ హీరోహీరోయిన్లుగా నటిస్తున్న సినిమా షూటింగ్ తిరిగి ప్రారంభమైంది. ఈ విషయాన్ని నిర్మాణ సంస్థతో పాటు దర్శకుడు శ్రీరామ్ ఆదిత్య ట్విట్టర్ వేదికగా పంచుకున్నారు.