యూట్యూబ్ను షేక్ చేస్తున్న టాలీవుడ్ టీజర్లు!

బాలకృష్ణ 'అఖండ' టీజర్ యూట్యూబ్ను షేక్ చేస్తోంది. 50 మిలియన్ల మార్క్ను అందుకుని సరికొత్త రికార్డులు సృష్టిస్తోంది. అయితే ఇప్పటివరకు తెలుగులో ఎక్కువ వీక్షణలు సొంతం చేసుకున్న టీజర్లు ఏంటి? వాటికి ప్రస్తుతం ఎన్ని వ్యూస్ ఉన్నాయో చూసేద్దాం.

most viewed telugu movie teasers on youtube

యూట్యూబ్లో టాలీవుడ్ సినిమా టీజర్ల సంచలనం!

Published : Apr 30, 2021, 9:25 AM IST

Updated : Apr 30, 2021, 9:41 AM IST

సోషల్మీడియా.. ప్రతి ఒక్కరి జీవితంలో ఓ భాగంగా మారిపోయింది. పొద్దున లేచిన దగ్గర నుంచి రాత్రి పడుకోబోయే వరకు ఎంతో కొంత సమాచారాన్ని ఈ సామాజిక మాధ్యమాల ద్వారా తెలుసుకోగలుగుతున్నాం. ఇంతటి ప్రాచుర్యం పొందిన సోషల్మీడియానే రాజకీయ నాయకుల దగ్గర్నుంచి సినిమా వాళ్ల దాకా ప్రచార సాధనంగా ఉపయోగించుకుంటున్నారు.

అలా సామాజిక మాధ్యమాలపై ప్రజల్లో ఏర్పడిన క్రేజ్తో.. విడుదలయ్యే ప్రతి చిత్రానికి సంబంధించిన సమాచారాన్ని వీటి ద్వారా అభిమానులతో పంచుకుంటున్నాయి చిత్రబృందాలు. సినిమాలకు సంబంధించిన ఫస్ట్లుక్, టీజర్లతో పాటు ట్రైలర్నూ సోషల్మీడియాలో విడుదల చేసి.. చిత్రానికి తగిన ప్రచారం పొందుతున్నాయి. ఈ విధంగా స్టార్ హీరోల సినిమాలకు సంబంధించిన టీజర్ లేదా ట్రైలర్లు యూట్యూబ్లో ట్రెండ్ అవుతూ సరికొత్త రికార్డులు సృష్టిస్తున్నాయి.

ఇటీవలే విడుదలైన నందమూరి బాలకృష్ణ 'అఖండ' టీజర్ యూట్యూబ్ రికార్డులను తిరగరాస్తోంది. 50 మిలియన్ల మార్క్ను అధిగమించింది. ఈ నేపథ్యంలో టాలీవుడ్ చరిత్రలో యూట్యూబ్లో అత్యధిక వీక్షణలు సాధించిన టాప్-5 చిత్ర టీజర్లు ఏవో చూద్దాం?

1. పుష్ప: 54 మిలియన్ ప్లస్ వ్యూస్