మోహన్​బాబు ఆత్మకథ 'నా రూటే సపరేటు'!

విలక్షణ నటుడిగా గుర్తింపు తెచ్చుకున్నారు కలెక్షన్ కింగ్ మోహన్​బాబు. సినిమాలతో పాటు రాజకీయ, విద్యారంగాల్లోనూ రాణిస్తున్నారు. ఆయన జీవితంలోని విషయాలను పుస్తక రూపంలో పొందుపరుస్తున్నట్లు సమాచారం. దానికి 'నా రూటే సపరేటు' అనే టైటిల్ ఖరారు చేశారట.

విలక్షణ నటుడిగా తెలుగు చిత్ర పరిశ్రమలో తనకంటూ గుర్తింపు తెచ్చుకున్నారు కలెక్షన్ కింగ్ మోహన్​బాబు. 500కు పైగా చిత్రాల్లో నటించి ఎన్నో వైవిధ్యమైన పాత్రలతో మెప్పించారు. సినిమాలతో పాటు రాజకీయ, విద్యారంగాల్లోనూ రాణిస్తున్నారు. ఈ సమయంలో ఆయనకు ఎదురైన అనుభవాలను ఓ పుస్తక రూపంలో రాస్తున్నట్లు తెలుస్తోంది. తాజాగా తన ఆత్మకథకు 'నా రూటే సపరేటు' అనే టైటిల్ ఖరారు చేసినట్లు సమాచారం. జులై 4న ఈ పుస్తకాన్ని ప్రధాని నరేంద్రమోదీ చేతుల మీదుగా విడుదల చేయనున్నారట.

ప్రస్తుతం మోహన్​బాబు 'సన్‌ ఆఫ్‌ ఇండియా' అనే చిత్రం చేస్తున్నారు. డైమండ్‌ రత్నబాబు దర్శకత్వం వహిస్తున్నారు. శ్రీ లక్ష్మీ ప్రసన్న పిక్చర్స్‌, 24 ఫ్రేమ్స్‌ ఫ్యాక్టరీ సంయుక్తంగా రూపొందిస్తున్నాయి. విష్ణు మంచు నిర్మాత.