కోలీవుడ్ స్టార్ హీరో సూర్య నటిస్తున్న తమిళ చిత్రం 'సూరరై పోట్రు'. తెలుగులో 'ఆకాశమే నీ హద్దురా!' పేరుతో విడుదల కానుంది. సుధా కొంగర దర్శకత్వం వహిస్తోంది. ఎయిర్‌ డెక్కన్‌ వ్యవస్థాపకుడు జీఆర్‌ గోపీనాథ్‌ జీవితం ఆధారంగా ఈ సినిమా తీస్తున్నారు. ఇందులో సీనియర్ నటుడు మోహన్బాబు కీలకపాత్ర పోషిస్తున్నాడు. శుక్రవారం అతడికి సంబంధించిన స్టిల్స్‌ను విడుదల చేశారు.
విశేషమేమింటే ఇందులో మోహన్బాబు.. తన సొంత పేరు భక్తవత్సలం నాయుడుగానే కనిపించనున్నాడు. ఈ చిత్రం తమిళ వెర్షన్‌లోని తన పాత్రకు మోహన్బాబు స్వయంగా డబ్బింగ్‌ చెప్పుకున్నాడు.
ఇందులో సూర్య సరసన అపర్ణ బాలమురళి హీరోయిన్గా నటిస్తోంది. ఊర్వశి, జాకీష్రాఫ్‌ ముఖ్యపాత్రలు పోషిస్తున్నారు. జీవీ ప్రకాశ్‌ సంగీతమందిస్తున్నాడు. వేసవిలో ప్రేక్షకుల ముందుకు రానుందీ చిత్రం
