ప్రధాని నరేంద్ర మోదీ జీవితంపై తెరకెక్కిన 'పీఎం నరేంద్ర మోదీ' చిత్రాన్ని గుజరాత్లోని అహ్మదాబాద్లో ప్రత్యేకంగా ప్రదర్శించారు. ఈ ప్రదర్శనకు గుజరాత్ ముఖ్యమంత్రి విజయ్రుపానీ హాజరయ్యారై, చిత్రాన్ని చూశారు. వివేక్ ఒబెరాయ్ ప్రధాన పాత్రలో నటించిన ఈ సినిమా ఈ నెల 24న ప్రేక్షకుల ముందుకు రానుంది.
ప్రత్యేక ప్రదర్శన సందర్భంగా బాలీవుడ్ హీరో వివేక్ ఒబెరాయ్ మాట్లాడుతూ.. ఎన్నికల్లో ఎన్డీఏ కూటమి విజయాన్ని సాధిస్తుందని, మోదీ మళ్లీ ప్రధాని అవుతారని ఆశాభావం వ్యక్తం చేశాడు.
"ప్రధాని మోదీ బయోపిక్లో ఆయన పాత్రను పోషించడం నా అదృష్టం. గుజరాత్ ప్రజలతో నా సాన్నిహిత్యం ఇప్పుడే మొదలైంది. మోదీ మళ్లీ ప్రధాని అవుతారు. ఆయనను మీరు(గుజరాత్ ప్రజలు) హీరోని చేశారు.. నాకు తెలిసి మోదీ ఇంతకు ముందే హీరో" - వివేక్ ఒబెరాయ్, బాలీవుడ్ నటుడు
ఏప్రిల్లోనే పీఎం నరేంద్ర మోదీ సినిమా విడుదల కావాల్సింది. అయితే ఎన్నికల కోడ్ అమలులో ఉన్నందున రిలీజ్కు అనుమతించలేదు ఎన్నికల సంఘం. ఒమంగ్ కుమార్ 'పీఎమ్ నరేంద్ర మోదీ' చిత్రానికి దర్శకత్వం వహించాడు.
