ఆసియన్ అకాడమీ క్రియేటివ్ అవార్డ్స్లో నటి కొంకన సేన్ శర్మ, అమృత సుభాష్ అదరగొట్టారు. యూత్ను ఎంతగానో ఆకట్టుకున్న 'మీర్జాపుర్' వెబ్ సిరీస్ కూడా రెండు అవార్డులు దక్కించుకుంది.
సింగపూర్లో గురువారం-శుక్రవారం జరిగిన ఈ కార్యక్రమంలో భాగంగా ఆసియా-పసిఫిక్ ప్రాంతంలో వివిధ క్రియేటివ్ ఫ్లాట్ఫామ్స్లో మెప్పించిన పలువురికి అవార్డులు అందజేశారు. టీవీ, స్ట్రీమింగ్ కంటెంట్కు సంబంధించి మొత్తం 38 అవార్డులు బహుకరించారు.
Mirzapur season 2: అమెజాన్ ప్రైమ్లో అందుబాటులో ఉన్న యాక్షన్ డ్రామా 'మీర్జాపుర్'.. బెస్ట్ ఒరిజినల్ ప్రోగ్రామ్ విభాగంలో రెండు అవార్డులు గెలుచుకుంది. అయితే ఈ అవార్డును సిరీస్లో నటించిన బ్రహ్మస్వరూప్కు అంకితమిస్తున్నట్లు సిరీస్ సృష్టికర్త పునీత్ కృష్ణ చెప్పారు. శుక్రవారం తన అపార్ట్మెంట్లో అనుమానస్పద రీతిలో మరణించారు బ్రహ్మస్వరూప్ మిశ్రా.
నెట్ఫ్లిక్స్ ఆంథాలజీ 'అజీబ్ దస్తాన్స్'లో 'గీలి పుచ్చి' ఎపిసోడ్లో నటించిన బెంగాలీ నటి కొంకన సేన్ శర్మ.. ఉత్తమ నటి అవార్డు గెలుచుకుంది.
'బొంబాయ్ బేగమ్స్'లో బార్ డ్యాన్సర్గా నటించి మెప్పించిన అమృతా సుభాష్కు ఉత్తమ సహాయనటిగా అవార్డు దక్కింది.
కొరియన్ సిరీస్ 'మూవ్ టూ హెవెన్'తో ఆకట్టుకున్న లీ జీ హున్.. ఉత్తమ నటుడు అవార్డు సొంతం చేసుకున్నారు. 'స్వీట్ హోమ్' సిరీస్తో మెప్పించిన లీ డో హ్యూన్.. ఉత్తమ సహయనటుడిగా నిలిచారు. ఈ సిరీస్ను తెరకెక్కించిన లీ యొంగ్ బొక్కు ఉత్తమ దర్శకుడి పురస్కారం దక్కింది.
ఇవీ చదవండి:
