బాలీవుడ్ హీరో సుశాంత్ మృతి కేసుపై ముంబయి పోలీసులు విచారణ ముమ్మరం చేశారు. తాజాగా నిర్మాత మహేశ్ భట్ వాంగ్మూలాన్ని తీసుకున్నారు పోలీసులు. సుశాంత్ను వదిలేయమని రియాకు తానెప్పుడూ చెప్పలేదని ఆయన పేర్కొన్నట్లు తెలుస్తోంది.
సుశాంత్ను తన జీవితంలో రెండు సార్లు మాత్రమే కలిసినట్లు మహేశ్ భట్ వెల్లడించారు. "నేను నెపోటిజానికి ఎప్పుడూ మద్దతివ్వను. చాలా మంది కొత్తవారికి నేను అవకాశాలను ఇచ్చాను. ఇక సుశాంత్ను వ్యక్తిగతంగా రెండు సార్లు కలిశానంతే." అని మహేశ్ భట్ వివరించారు.
తను తెరకెక్కించిన 'సడక్ 2' కొన్ని కారణాల వల్ల సుశాంత్తో చేయడం కుదరలేదని మహేశ్ తెలిపారు.
జూన్ 14న సుశాంత్ ముంబయిలోని తన నివాసంలో ఆత్మహత్య చేసుకొని చనిపోయాడు. కొద్ది రోజుల తర్వాత రియా చక్రవర్తి.. 'దిల్ బెచారా' నటుడితో తనకున్న సంబంధాన్ని సోషల్ మీడియా వేదికగా ప్రకటిస్తూ.. ఈ కేసుపై సీబీఐ విచారణకు ఆదేశించాలని కేంద్ర హోంమంత్రి అమిత్షాను అభ్యర్థించింది.
