సూపర్స్టార్ మహేశ్బాబు కొత్త సినిమాకు సంబంధించిన ఓ శుభవార్తను రేపు (ఆదివారం) వెల్లడించనుంది చిత్రబృందం. ఈ సినిమాకు పరశురామ్ దర్శకత్వం వహిస్తున్నారు. అయితే కృష్ణ పుట్టినరోజు సందర్భంగా ఈ చిత్రాన్ని అధికారికంగా ప్రకటించనున్నారు. టైటిల్ కూడా రిలీజ్ చేసే అవకాశం ఉందని సమాచారం.
ఇప్పటికే ఈ సినిమాకు 'సర్కారు వారి పాట' అనే క్రేజీ పేరు పెట్టినట్లు వార్తలు చక్కర్లు కొడుతున్నాయి. మైత్రీ మూవీ మేకర్స్ ఈ ప్రాజెక్టును నిర్మిస్తోంది. ప్రస్తుత పరిస్థితుల చక్కదిద్దుకున్న తర్వాత షూటింగ్ మొదలుపెట్టనున్నారు.
లాక్డౌన్ వల్ల ప్రస్తుతం ఇంట్లోనే ఉంటున్న మహేశ్.. కుమారుడు గౌతమ్, కుమార్తె సితారలతో ఆనందంగా సమయాన్ని ఆస్వాదిస్తున్నారు. అందుకు సంబంధించిన ఫొటోలు, వీడియోలను ఎప్పటికప్పుడు సోషల్ మీడియాలో పంచుకుంటూ అభిమానులతో టచ్లో ఉంటున్నారు.
