ప్రముఖ బాలీవుడ్ హీరో సల్మాన్ఖాన్, ప్రభుదేవా దర్శకత్వంలో తెరకెక్కుతోన్న చిత్రం 'దబాంగ్ 3'. ఈ మూవీలో సోనాక్షి సిన్హా కథానాయిక. ఇటీవలె ఓ మీడియా సమావేశంలో పాల్గొన్న సోనాక్షి.. కొన్ని ఆసక్తికర విషయాలను పంచుకుంది. ఒకవేళ దర్శకులు మీతో 'లేడీ దబాంగ్' సినిమాను తీస్తామంటే మీ అభిప్రాయమేంటనే ప్రశ్న ఎదురైంది. ఇందుకు సమాధానమిచ్చిన ఈ భామ.. హీరో ప్రధానంగా సాగే చిత్రాలకు పెట్టే బడ్జెట్తో లేడీ ఓరియెంటెడ్ సినిమాలు నిర్మించేందుకు నిర్మాతలు సిద్ధంగా లేరని తెలిపింది.
"నేను చాలా మహిళా ప్రాధాన్య చిత్రాల్లో నటించాను. కానీ స్టార్ హీరోల మూవీలతో పోలిస్తే నా సినిమాలకు పెట్టే ఖర్చు దరిదాపుల్లో కూడా ఉండదు. హీరోల చిత్రాలను ప్రోత్సాహించినట్టు కథానాయిక ప్రాధాన్యం ఉన్న మూవీలనూ ప్రేక్షకులు ప్రోత్సాహిస్తే పరిస్థితి వేరేగా ఉండేది. అలాంటి దశకు చేరుకోడానికి కొంత సమయం పడుతుంది."
-సోనాక్షి సిన్హా, సినీ నటి
దశాబ్ద కాలంగా తన కెరీర్లో ఎన్నో సినిమాలు బ్లాక్బాస్టర్ హిట్ అందుకుంది సోనాక్షి. సల్మాన్ ఖాన్ 'దబాంగ్', అక్షయ్ కుమార్ 'రౌడీ రాథోడ్', షాహిద్ కపూర్ 'ఆర్..రాజ్కుమార్' వంటి చిత్రాలతో ప్రేక్షకులను అమితంగా ఆకట్టుకుందీ భామ. ప్రస్తుతం దబాంగ్ సీక్వెల్లో భాగంగా వస్తున్న 'దబాంగ్ 3' లో నటించింది. ఈనెల 20న ప్రేక్షకుల ముందుకు రానుందీ చిత్రం.
ఇదీ చదవండి: వద్దన్న రామ్గోపాల్ వర్మే.. హీరోగా అవకాశమిచ్చాడు