దర్శకుడు నాగ్ అశ్విన్, హీరో ప్రభాస్ కాంబినేష‌న్లో ప్రతిష్ఠాత్మకంగా ఓ సినిమా తెరకెక్కబోతుంది. ప్రస్తుతం ప్రీ ప్రొడక్షన్ పనులు జరుగుతున్నాయి. జులై నుంచి రెగ్యులర్ షూటింగ్ ప్రారంభంకానుంది. అయితే చిత్రంలోని ఎక్కువ భాగాన్ని హైదారాబాద్లోని రామోజీ ఫిల్మ్సిటీలోనే షూటింగ్ చేయనున్నారని సమాచారం. తొలి షెడ్యూల్ కోసం ఈ చిత్ర డిజైనింగ్ విభాగం శరవేగంగా పనిచేస్తోందని తెలుస్తోంది.
ఈ చిత్రంలో బాలివుడ్ స్టార్స్ అమితాబ్ బచ్చన్, దీపికా పదుకొణె కీలక పాత్ర పోషిస్తున్నారు. సైన్స్ ఫిక్ష‌న్ నేప‌థ్యంలో రూపొందనున్న ఈ పాన్ ఇండియా సినిమా .. తెలుగు, హిందీ, తమిళ్, మలయాళం, కన్నడ భాషల్లో విడుదల కానుంది.
ఇదీ చూడండి: పాన్ వరల్డ్గా ప్రభాస్- నాగ్అశ్విన్ సినిమా!
