'హృదయ కాలేయం'తో ప్రేక్షకుల్ని అలరించిన సంపూర్ణేశ్ బాబు త్వరలో 'కొబ్బరి మట్ట'తో రానున్నాడు. నవతరం హాస్యానికి పట్టం కట్టిన దర్శకుడు ఇ.వి.వి సత్యనారాయణకు ఈ చిత్రాన్ని అంకితమిస్తున్నామని నిర్మాతలు ప్రకటించారు.
ట్రైలర్లో సంపూ చెప్పిన మూడున్నర నిమిషాల డైలాగ్ లిమ్కా బుక్లో స్థానం సంపాదించింది. ఈ నాన్ స్టాప్ ట్రైలర్కు వీక్షకుల నుంచి విశేష స్పందన వస్తోందని చెప్పింది చిత్రబృందం.
పాపారాయుడు, పెద‌రాయుడు, ఆండ్రాయుడు అనే మూడు పాత్రల్లో కనిపించనున్నాడు సంపూ. ఈ సినిమాకు స్టీవెన్ శంకర్ కథ అందించగా సాయి రాజేశ్ నిర్మించారు. రూపక్ రొనాల్డ్ సన్ దర్శకుడిగా పరిచయం అవుతున్నాడు. ఆగస్టు 10న ప్రేక్షకుల ముందుకు రానుంది.
ఇది సంగతి: వెంకయ్య కోసం 'బాట్లా హౌస్' స్పెషల్ షో
