'మహానటి' చిత్రంతో కీర్తి సురేష్ పేరు మారుమోగిపోయింది. ఈ సినిమాతో జాతీయ ఉత్తమ నటిగా అవార్డు కూడా సంపాదించింది. ప్రస్తుతం కీర్తి.. నరేంద్ర నాథ్‌ దర్శకత్వంలో తెరకెక్కుతున్న 'మిస్ ఇండియా' చిత్రంలో నటిస్తోంది. ఇప్పటికే సినిమా షూటింగ్ పూర్తయింది. కానీ విడుదల తేదీని ప్రకటించలేదు. తాజాగా దీనిపై ఓ వార్త చిత్రసీమలో చక్కర్లు కొడుతోంది.
ఈస్ట్‌ కోస్ట్‌ ప్రొడక్షన్స్‌ పతాకంపై నిర్మితమయ్యే ఈ సినిమాను మార్చి 6న రెండు తెలుగు రాష్ట్రాల్లో విడుదల చేయనున్నారట. అమెరికాలో మాత్రం మార్చి 5న ప్రిమియర్‌ షో ప్రదర్శించనున్నట్లు సినీ వర్గాల నుంచి వినిపిస్తోన్న సమాచారం. తమన్‌ సంగీతం అందిస్తోన్న ఈ చిత్రంలో జగపతిబాబు, నవీన్‌ చంద్ర, రాజేంద్ర ప్రసాద్, నదియా, నరేష్‌ భానుశ్రీ మెహ్రా, పొన్నాడ పూజిత, కమల్‌ కామరాజు తదితరులు నటిస్తున్నారు. ఇప్పటికే సినిమాకు సంబంధించిన టీజర్‌ విడుదలై ఆకట్టుకుంటోంది.
- " class="align-text-top noRightClick twitterSection" data="">
ఇవీ చూడండి.. పవన్‌ కోసం తాజ్‌ మహల్, చార్మినార్‌..?
