కంగనకు సమన్లు.. సోషల్​మీడియాలో పోస్టులే కారణం!

బాలీవుడ్‌ నటి కంగనా రనౌత్‌​కు ముంబయి పోలీసులు సమన్లు జారీ చేశారు. సోషల్​ మీడియాలో అభ్యంతరకరమైన వ్యాఖ్యలు చేసినందుకు వివరణ ఇవ్వాల్సిందిగా ఆదేశించారు.

ప్రముఖ నటి కంగనా రనౌత్​, ఆమె సోదరి రంగోలీ చండేల్​కు సమన్లు జారీ చేశారు ముంబయి పోలీసులు. ఈ నెల 23, 24 తేదీల్లో బాంద్రా స్టేషన్​లో హాజరుకావాలని కోరారు.

మత కలహాలను ప్రేరేపించేలా సోషల్​ మీడియాలో కంగన కామెంట్లు చేసిందని పోలీసులు తెలిపారు. ఈ మేరకు కేసు నమోదు కాగా.. బాంద్రా మెట్రోపాలిటన్​ మెజిస్ట్రేట్​ కోర్టు ఉత్తర్వుల మేరకు తాజా నిర్ణయం తీసుకున్నట్లు పోలీసు వర్గాలు స్పష్టం చేశాయి.