బాలీవుడ్ క్లాసిక్ చిత్రాల్లో ఒకటైన ‘'దిల్ వాలే దుల్హానియా లేజాయేంగే' చిత్రంతో కుర్రకారును ఉర్రూతలూగించింది బాలీవుడ్ హీరోయిన్ కాజోల్. జనరేషన్లతో సంబంధం లేకుండా దశాబ్దాలుగా ప్రేక్షకుల్ని అలరిస్తోంది. తాజాగా ఇన్స్టాగ్రామ్లో కోటి మంది ఫాలోవర్స్ను సాధించిందీ స్టార్ హీరోయిన్. దీనిపై శనివారం ఆమె అభిమానులను ఉద్దేశిస్తూ.. ఓ వీడియో పోస్ట్ చేసింది.
"రీల్ లైఫ్ నుంచి రియల్ లైఫ్ వరకు నాపై మీరు చూపిస్తున్న ప్రేమకు కృతజ్ఞతలు. మీ కాజోల్."
-- కాజోల్, కథానాయిక
- " class="align-text-top noRightClick twitterSection" data="
">
ఈ సందర్భంగా 2001లో విడుదలైన 'కభీ ఖుషి కభీ ఘమ్' చిత్రంలో కాజోల్ చేసిన భాంగ్రా డ్యాన్స్ వీడియోను అభిమానులతో పంచుకుంది. ఇటీవల ఈ హీరోయిన్ 'తానాజీ' సినిమాలో ఆమె భర్త అజయ్ దేవగణ్ సరసన ప్రధానపాత్ర పోషించగా.. ప్రియాంక బెనర్జీ దర్శకత్వంలో రూపొందిన 'దేవి' లఘుచిత్రంలో చివరిసారిగా నటించింది.
ఇదీ చూడండి.. 'వినరా సోదరా! వినకుంటే ఇల్లు ఆగమైతదిరా..!'
