ఈ న్యూ ఇయర్​లో మంచి స్మార్ట్​ఫోన్ కొనాలా? అయితే కాస్త ఆగండి.. త్వరలో కొత్త మోడల్స్ ఎంట్రీ!

కొత్త ఏడాది కొంగొత్తగా.. జనవరిలో రిలీజ్​కు రెడీగా నయా స్మార్ట్​ఫోన్లు!

New Upcoming Smartphones 2025: ఈ న్యూ ఇయర్​కి ఓ కొత్త స్మార్ట్‌ఫోన్‌ను కొనాలని చూస్తున్నారా? అయితే ఆగండి.. త్వరలో ఇండియన్ మార్కెట్లోకి కొంగొత్త స్మార్ట్​ఫోన్లు ఎంట్రీ ఇవ్వబోతున్నాయి. వాటిలో శాంసంగ్, ఒప్పో, వన్​ప్లస్, రెడ్​మీ వంటి బ్రాండ్లు ఉన్నాయి. ఈ నేపథ్యంలో జనవరిలో విడుదల చేసేందుకు రెడీగా ఉన్న మొబైల్స్ జాబితా మీకోసం.

Redmi 14C 5G:

Introducing the all-new #Redmi14C 5G – the #2025G smartphone everyone has been waiting for!
It’s time to make a style resolution and elevate your connectivity with the power of #5G.

Launching on 6th January 2025.
Get notified: https://t.co/kUp6U9oLHq

— Redmi India (@RedmiIndia) December 27, 2024

'రెడ్​మీ 14C 5G' స్మార్ట్‌ఫోన్ జనవరి 6న మన ఇండియన్ మార్కెట్​తో పాటు ఇతర ప్రపంచ మార్కెట్లలో కూడా లాంఛ్ కానుంది. దీని మైక్రోసైట్ అమెజాన్, ఫ్లిప్‌కార్ట్ ఇ-కామర్స్ ప్లాట్‌ఫారమ్స్​లో ఇప్పటికే లైవ్ అవుతోంది. అంటే రిలీజ్ అయిన తర్వాత దీన్ని ఈ రెండు ప్లాట్‌ఫారమ్‌ల నుంచి కొనుగోలు చేయొచ్చు. ఈ ఫోన్ బ్యాక్ ప్యానెల్ మధ్యలో పెద్ద వృత్తాకార కెమెరా మాడ్యూల్ ఉంటుంది. ఇది 50 మెగాపిక్సెల్ మెయిన్ రియర్ కెమెరాతో వస్తుంది.

ఇది 'రెడ్​మీ 14R 5G' రీబ్యాడ్జ్డ్ వెర్షన్ కావచ్చని పుకార్లు షికారు చేస్తున్నాయి. ఒకవేళ ఇదే నిజం అయితే ఈ స్మార్ట్​ఫోన్ స్నాప్‌డ్రాగన్ 4 Gen 2 చిప్‌సెట్, 18W ఛార్జింగ్ సపోర్ట్‌తో 5160mAh బ్యాటరీతో రావొచ్చు. ఇది 6.68-అంగుళాల 120Hz HD ప్లస్ LCD స్క్రీన్, ఆండ్రాయిడ్ 14 బేస్డ్ హైపర్‌ఓఎస్‌ను కలిగి ఉంటుందని టెక్ నిపుణులు భావిస్తున్నారు. ఇక కలర్ ఆప్షన్ల విషయానికొస్తే.. ఈ 'రెడ్​మీ 14C 5G' ఫోన్ బ్లాక్, బ్లూ, పర్పుల్ షేడ్స్‌లో లాంఛ్ కావచ్చు.

OnePlus 13 Series:

It's time to experience unmatched speed, refined craftsmanship, and effortless innovation. Inspired by the Never Settle spirit, get ready to meet the all-new #OnePlus13 Series on January 7, 2025

— OnePlus India (@OnePlus_IN) December 17, 2024

వన్​ప్లస్ కంపెనీ జనవరి 7న భారత్​తో సహా గ్లోబల్ మార్కెట్లో 'వన్​ప్లస్​ 13 సిరీస్'​ను రీలీజ్ చేసేందుకు సన్నాహాలు చేస్తోంది. ఈ సిరీస్‌లో 'వన్​ప్లస్​ 13', 'వన్​ప్లస్​ 13R' అనే రెండు మోడల్స్ రానున్నన్నట్లు తెలుస్తోంది. ఈ రెండు ఫోన్‌ల మైక్రోసైట్ అమెజాన్‌లో లైవ్ అవుతోంది. అంతేకాక ఈ స్మార్ట్​ఫోన్ కలర్ ఆప్షన్స్, స్పెషల్ ఫీచర్లపై సమాచారం కూడా రివీల్ అయింది. 'వన్​ప్లస్​ 13' స్నాప్‌డ్రాగన్ 8 ఎలైట్ చిప్‌సెట్‌ను కలిగి ఉండగా, 'వన్​ప్లస్​ 13R' మోడల్ స్నాప్‌డ్రాగన్ 8 Gen 3 ప్రాసెసర్​తో వస్తుంది. వీటితో పాటు ఈ రెండు ఫోన్లు 'వన్​ప్లస్​ AI' సపోర్ట్​తో ఏఐ ఫీచర్లను కలిగి ఉంటాయి.

'వన్​ప్లస్​ 13' ఇండియాలో ఆర్కిటిక్ డాన్, బ్లాక్ ఎక్లిప్స్, మిడ్‌నైట్ ఓషన్ కలర్ ఆప్షన్‌లలో ప్రారంభం కానుంది. ఇక 'వన్​ప్లస్​ 13R' ఆస్ట్రల్ ట్రైల్, నెబ్యులా నోయిర్ షేడ్స్‌లో వస్తుంది. ఈ రెండు స్మార్ట్​ఫోన్లలోనూ 6000mAh బ్యాటరీ ఉంటుంది. 'వన్​ప్లస్​ 13' డస్ట్ అండ్ వాటర్ రెసిస్టెన్సీతో IP68, IP69 రేటింగ్‌లను కలిగి ఉంటుంది. భారత మార్కెట్లో 'వన్​ప్లస్ 13' ధర రూ. 67,000-70,000 మధ్య ఉండే అవకాశం ఉంది. ఇక 'వన్​ప్లస్​ 13R' సింగిల్ ర్యామ్, (12GB+256GB) స్టోరేజ్ కాన్ఫిగరేషన్​లో వస్తుందని సమాచారం. అయితే దీని ప్రైస్ రేంజ్ వివరాలు మాత్రం ఇంకా రివీల్ కాలేదు.

Samsung Galaxy S25 Series:

Samsung S24 Ultra (Used For Representational Purposes) (Photo Credit- Samsung India)

'శాంసంగ్ గెలాక్సీ S25' సిరీస్​పై ఇంకా అధికారిక ప్రకటన వెలువడలేదు. కానీ అప్​కమింగ్ గెలాక్సీ అన్​ప్యాక్డ్ ఈవెంట్ జనవరి 22, 2025న జరుగుతుందని టెక్ నిపుణుల అంచనా. సమాచారం ప్రకారం.. 'గెలాక్సీ S25' సిరీస్​లో మూడు మోడల్ మొబైల్స్ రిలీజ్ కానున్నట్లు తెలుస్తోంది. అవి 'గెలాక్సీ S25', 'గెలాక్సీ S25 ప్లస్', 'గెలాక్సీ S25 అల్ట్రా'. ఈ అప్డేటెడ్ మోడల్స్ మెరుగైన కెమెరా, పెర్ఫార్మెన్స్​తో రానున్నాయి. ఇక వీటి టాప్ స్పెక్ విషయానికి వస్తే.. 'గెలాక్సీ S25 అల్ట్రా' ఫ్లాగ్​షిప్ పెర్ఫార్మెన్స్​ను అందించే స్నాప్‌డ్రాగన్ 8 ఎలైట్ చిప్‌సెట్‌ను కలిగి ఉంటుంది.

Oppo Reno 13 5G Series:

Familiar, yet so refreshingly new. Can you guess what’s coming? 👀#OPPOReno13Series #OPPOAIPhone pic.twitter.com/Vp7pH19taX

— OPPO India (@OPPOIndia) December 23, 2024

'ఒప్పో రెనో 13 5G' సిరీస్​ రెండు మోడల్స్​తో వస్తుంది. అవి ఒప్పో రెనో 13 5G, ఒప్పో రెనో 13 ప్రో 5G. ఈ రెండు మోడళ్లు మిడ్-రేంజ్ సెగ్మెంట్​లో లాంఛ్ కానున్నాయి. ఈ స్మార్ట్‌ఫోన్‌లు 5,640mAh బ్యాటరీతో మీడియాటెక్ డైమెన్సిటీ 8350 చిప్‌సెట్​తో వస్తాయని పుకార్లు ఉన్నాయి. ఒప్పో వీటి డిజైన్​ను టీజ్ చేయడం ప్రారంభించింది. అయితే కంపెనీ వీటి అధికారిక లాంఛ్ తేదీ ఇంకా వెల్లడించలేదు.

Poco X7 Series:

Don't just meet expectations; Smash them 😈#POCOX7 Series launching on 9th Jan | 5:30 PM IST on #Flipkart pic.twitter.com/aHCFNVDQaV

— POCO India (@IndiaPOCO) December 30, 2024

'పోకో X7' సిరీస్ జనవరి 9, 2025న రిలీజ్ కానుంది. ఈ లైనప్​లో 'పోకో X7 5G', 'పోకో X7 ప్రో 5G' వంటి మోడల్స్ డ్యూయల్-టోన్ ఎల్లో, బ్లాక్ కలర్ వేరియంట్‌లో వీగన్ లెదర్ ఫినిషింగ్‌తో రానున్నాయి.

Realme 14 Pro:

Meet the phone that’s rewriting the rules.

With a design so unique and bold, it’s not just a device; it’s a masterpiece. This is what one of a kind truly looks like. #realme14ProSeries5G

Know more:https://t.co/ILXGh5heM3 pic.twitter.com/0DneOPHLD2

— realme (@realmeIndia) December 23, 2024

'రియల్‌మీ 14 ప్రో' సిరీస్ కెమెరా-సెంట్రిక్ స్మార్ట్‌ఫోన్ మరికొన్ని రోజుల్లో లాంఛ్ అయ్యే అవకాశం ఉంది. ఈ మొబైల్ డిజైన్, ఫీచర్లు, కలర్ ఆప్షన్లను కంపెనీ రివీల్ చేసింది. ఈ 'రియల్‌మీ 14 ప్రో' సిరీస్ IP69 రేటింగ్‌తో రానుంది.

Itel Geno 10: ఇండియన్ మార్కెట్లోకి త్వరలో 'Itel Geno 10' స్మార్ట్​ఫోన్ రానుంది. ఈ ఫోన్ మైక్రోసైట్ అమెజాన్‌లో ఇప్పటికే లైవ్ అవుతోంది. ఐటెల్.. ఈ స్మార్ట్​ఫోన్​ను జనవరి 2025లో లాంఛ్ చేయనుంది. అయితే దీని ప్రారంభ ధర, లాంఛ్ తేదీని కంపెనీ ఇంకా అధికారికంగా వెల్లడించలేదు. కానీ ఈ ఫోన్ ప్రారంభ ధర ఎంత ఉంటుంది అంటే..? 6,000 కంటే తక్కువ ఉండొచ్చని టెక్ వర్గాల సమాచారం.

ఇది జెనిటల్ డిజైన్​తో.. స్క్వేర్- షేప్డ్ కెమెరా మాడ్యూల్​తో వస్తుంది. వీటితో పాటు ఈ స్మార్ట్​ఫోన్​ డ్యూయల్ రియల్ కెమెరా సెటప్​తో రానుంది. ఈ ఫోన్ వాటర్​డ్రాప్ నాచ్​తో అచ్చం ఐఫోన్ డైనమిక్ ఐలాండ్ మాదిరిగా నాచ్​తో వస్తుంది. ఈ Gen Z-Focus ఫోన్‌లో 5000mAh బిగ్ బ్యాటరీ ఉంటుంది.