'జనతా గ్యారేజ్' తర్వాత మరోసారి జూనియర్ ఎన్టీఆర్, మోహన్లాల్ కలిసి నటించనున్నారని టాలీవుడ్లో ప్రచారం జరుగుతోంది. త్రివిక్రమ్ దర్శకత్వంలో తెరకెక్కనున్న చిత్రంలో వీరిద్దరూ కలిసి తెరపై కనువిందు చేయనున్నారని సమాచారం. హారిక అండ్‌ హాసిని క్రియేషన్స్‌, ఎన్టీఆర్ ఆర్ట్స్‌ సంయుక్తంగా ఈ చిత్రాన్ని నిర్మిస్తున్నాయి. ఇప్పటికే త్రివిక్రమ్ ఈ చిత్రానికి సంబంధించిన కథ పూర్తి చేశారని తెలుస్తోంది.
'అల వైకుంఠపురములో' విడుదల తర్వాత నుంచి త్రివిక్రమ్.. ఎన్టీఆర్ చిత్రంపైనే దృష్టి పెట్టారు. ప్రస్తుతం ఎన్టీఆర్ 'ఆర్ఆర్ఆర్'లో నటిస్తూ బిజీగా ఉన్నారు. అది పూర్తయిన వెంటనే త్రివిక్రమ్ దర్శకత్వం వహించబోయే చిత్రం కోసం రంగంలోకి దిగుతారు. ఎన్టీఆర్ నటించబోయే 30వ చిత్రమిది. ఎస్‌.రాధాకృష్ణ (చినబాబు), నందమూరి కల్యాణ్‌రామ్‌ సంయుక్తంగా నిర్మిస్తున్నారు.
