టాలీవుడ్లో ఎన్ని కామెడీ చిత్రాలు వచ్చినప్పటికీ 'అహ నా పెళ్లంట' సినిమాకు ప్రత్యేక స్థానం ఉంటుంది. ఎందుకంటే విడుదలైనప్పటి నుంచి ఇప్పటివరకు ఇంకా నవ్విస్తూనే ఉంది. ఈ సినిమాలో ప్రతి పాత్ర అద్భుతమే. రాజేంద్రప్రసాద్, కోట శ్రీనివాసరావు, బ్రహ్మానందం పాత్రలైతే మరో ఎత్తు. అయితే ఈ సినిమాలో ఓ సీన్ కోసం తానెంతగా ఇబ్బందిపడ్డాడో రాజేంద్రప్రసాద్ గతంలో వెల్లడించారు.
"జంధ్యాల విశ్వరూపం ఈ సినిమా. ఇందులో పేపర్ లుంగీ సీన్ గురించి ఇప్పటికీ చాలామంది గుర్తుచేసుకుని మరీ నవ్వుతుంటారు. ఆ సన్నివేశం కోసం నేనేంత ఇబ్బందిపడ్డానో! మళ్లీ మళ్లీ ఇలాంటి సినిమా చేయలేం" అని రాజేంద్రప్రసాద్ చెప్పారు.
సురేశ్ సంస్థల అధినేత డి.రామానాయుడు.. ఈ సినిమాను రూ.18 లక్షలుపెట్టి తీస్తే, దానికి 35 రెట్లు వసూలు చేసిందీ సినిమా. ఓ కామెడీ చిత్రానికి ఇంత సత్తా ఉందా అని విమర్శకులు కూడా అప్పట్లో ఆశ్చర్యపోయారు. జంధ్యాల దర్శకత్వ ప్రతిభ ఆ తర్వాత కాలంలో ఎంతోమంది హాస్యచిత్రాలు తీయలనుకునే డైరెక్టర్లకు మార్గనిర్దేశనంగా నిలిచింది.
- " class="align-text-top noRightClick twitterSection" data="">
ఇవీ చదవండి:
