అంతర్జాతీయ చిత్రంలో బాలీవుడ్ ప్రముఖ ​నటుడు

బాలీవుడ్ ప్రముఖ ​నటుడు జాకీష్రాఫ్​ అంతర్జాతీయ చిత్రంలో కనువిందు చేయనున్నారు. ఆయన ప్రధాన పాత్రలో వృద్ధ సంగీత కారుడు స్లో జోయీ బయోపిక్​ తెరకెక్కనుంది. ఇంగ్లీష్, ఫ్రెంచ్, కొంకణి భాషల్లో దీన్ని రూపొందించనున్నారు.

అంతర్జాతీయ సినిమాల్లో మెరిసి పలువురు భారతీయ నటులు సత్తా చాటారు. ఇప్పుడు ఈ బాటలో మరో ప్రముఖ నటుడు ప్రపంచ సినిమాలో సందడి చేయనున్నారు. ప్రముఖ బాలీవుడ్ నటుడు జాకీష్రాఫ్​ కీలక పాత్రలో ఓ చిత్రం తెరకెక్కనుంది.

వృద్ధ సంగీతకారుడు స్లో జోయీ బయోపిక్​లో జాకీ నటించనున్నారు. ముంబయిలో పుట్టి ఫ్రాన్స్​లో సంచలన సంగీతకారుడిగా గుర్తింపు తెచ్చుకున్నారు స్లో జోయీ. 2016 మేలో మరణించారు.

భారతీయ మూలాలున్న సింగపూర్​కు చెందిన శ్రేయాషి సేన్ ఈ చిత్రాన్ని నిర్మించనున్నారు. పారిస్, ముంబయి, గోవా తదితర ప్రాంతాల్లో ఈ సినిమాను తెరకెక్కించడానికి సన్నాహాలు జరుగుతున్నాయి. ఇంగ్లీష్, ఫ్రెంచ్, కొంకణి భాషల్లో దీన్ని రూపొందించనున్నారు.