రామ్చరణ్.. కియారా అడ్వాణీ మరోసారి జోడీ కట్టనున్నారా? అంటే అవుననే చెబుతున్నాయి సినీవర్గాలు. 'ఆర్ఆర్ఆర్' తర్వాత చరణ్ కథా నాయకుడిగా శంకర్ దర్శకత్వంలో ఓ చిత్రం రూపొందనున్న సంగతి తెలిసిందే. ఈ చిత్రాన్ని దిల్రాజు నిర్మించనున్నారు. ఇప్పటికే అధికారికంగా ప్రకటించిన ఈ సినిమా.. జులై నుంచి సెట్స్పైకి వెళ్లనున్నట్లు తెలుస్తోంది. అందుకే చెర్రీకి జోడీగా నాయికను ఖరారు చేసేందుకు సిద్ధమైంది చిత్రబృందం.
ఈ పాత్ర కోసం కొరియన్ భామ సుజీబేను తీసుకోనున్నట్లు నిన్నమొన్నటి వరకు వార్తలు చక్కర్లు కొట్టాయి. ఇప్పుడు ఈ అవకాశాన్ని కియారా అందుకోనున్నట్లు వార్తలు బలంగా వినిపిస్తున్నాయి. ఒకవేళ ఇదే నిజమైతే ఇది వీళ్లిద్దరి కలయికలో రానున్న రెండో చిత్రమవుతుంది. చరణ్, కియారా గతంలో 'వినయ విధేయ రామ' చిత్రంలో జోడీ కట్టిన సంగతి తెలిసిందే. త్వరలో దీనిపై మరింత స్పష్టత వచ్చే అవకాశముంది.
ఇదీ చదవండి: 'మీ ప్రేమకు థాంక్స్.. రెట్టింపు ఉత్సాహంతో తిరిగొస్తా'
