పవర్స్టార్ పవన్ కల్యాణ్ హీరోగా తెరకెక్కుతోన్న చిత్రం 'వకీల్ సాబ్'. వేణు శ్రీరామ్ దర్శకత్వం వహిస్తున్న ఈ సినిమా చిత్రకరణను త్వరలోనే పునః ప్రారంభించేందుకు చిత్రబృందం సమాలోచనలు చేస్తుందట. ఇప్పటికే 70 శాతానికి పైగా షూటింగ్ను పూర్తి చేసుకోగా.. పవన్తోపాటు హీరోయిన్పై కొన్ని సన్నివేశాలను తెరకెక్కించాల్సి ఉందని తెలుస్తోంది. అయితే ఈ సినిమాలో హీరోయిన్ పాత్ర కోసం శ్రుతి హాసన్ను సంప్రదించగా.. అందుకు ఆమె అధికంగా పారితోషకాన్ని ఆశించిందని సమాచారం.
కేవలం ఏడు రోజుల షూటింగ్కు గానూ శ్రుతి.. ఏకంగా రూ.70 లక్షలను రెమ్యునరేషన్ అడిగినట్లు టాలీవుడ్ వర్గాల్లో చర్చ నడుస్తోంది. అయితే శ్రుతిని ఈ ప్రాజెక్టులో హీరోయిన్గా ఖరారు చేస్తున్నట్లు అధికార ప్రకటన వెలువడలేదు.
'వకీల్ సాబ్'లో హీరోయిన్ పాత్ర కోసం గతంలో లావణ్య త్రిపాఠి, ఇలియానా, పూజా హెగ్డేలను చిత్రబృందం సంప్రదించినట్లు సమాచారం.
ఇదీ చూడండి... ఆదుకోమని సల్మాన్ను ఆశ్రయించిన హీరోయిన్!
