సూపర్స్టార్ మహేశ్బాబుతో దర్శకధీరుడు రాజమౌళి ఓ చిత్రాన్ని తెరకెక్కించనున్నారు. 'ఆర్ఆర్ఆర్' పూర్తయిన తర్వాత ఈ సినిమాపై దృష్టిపెడతానని ఇప్పటికే వెల్లడించారు జక్కన్న. దర్శకధీరుడు తీసిన సినిమాల నేపథ్యం చాలా అద్భుతంగా ఉంటుంది. విజువల్ ఎఫెక్ట్స్కు ఎక్కువ ప్రాధాన్యం ఉంటుంది. దీంతో మహేశ్తో భారీగా ప్లాన్ చేస్తున్నారంటూ వార్తలు వచ్చాయి. ఈ క్రమంలోనే రాజమౌళి-మహేశ్ కాంబోలో తెరకెక్కే చిత్రం బ్యాక్డ్రాప్పై ఆసక్తి నెలకొంది.
మహేశ్ సినిమాకు డిఫరెంట్ లైన్ తీసుకుని కథను సిద్ధం చేస్తున్నారట రచయిత విజయేంద్ర ప్రసాద్. ఇప్పటివరకు తెలుగులో కనిపించని బ్యాక్డ్రాప్ను ఇందులో చూపించనున్నారట. ఫారెస్ట్ యాక్షన్ అడ్వెంచర్గా ఈ సినిమాను రూపొందించనున్నారని సమాచారం.
ప్రస్తుతం మహేశ్ బాబు 'సర్కారు వారి పాట' చిత్రీకరణలో బిజీగా ఉన్నారు. పరుశురామ్ దర్శకత్వం వహిస్తోన్న ఈ సినిమాలో కీర్తి సురేశ్ హీరోయిన్గా నటిస్తోంది. తమన్ సంగీతం అందిస్తున్నారు.
