93వ ఆస్కార్ అవార్డు ప్రధానోత్సవ వేడుక ఘనంగా జరిగింది. ఈ మెగా అవార్డు వేడుకలో భారత్కు చెందిన ఒక్క చిత్రం నిలవకపోగా.. ఓ సినిమాకు మాత్రం భారత్తో సంబంధం ఉంది. ఆ చిత్రమే ఉత్తమ డాక్యుమెంటరీ ఫీచర్ ఫిల్మ్గా ఎంపికైన 'మై ఆక్టోపస్ టీచర్'. ఈ చిత్రానికి అసోసియేట్ ప్రొడ్యూసర్, ప్రొడక్షన్ మేనేజర్గా వ్యవహరించిన స్వాతి త్యాగరాజన్ ఇండియాకు చెందిన ఫిల్మ్ మేకర్ కావడం విశేషం.
ఈ చిత్రానికి పిప్పా ఎర్లిచ్, జేమ్స్ రీడ్ దర్శకత్వం వహించారు. క్రేగ్ ఫాస్టర్ నిర్మించారు. ఫాస్టర్ సతీమణి అయిన స్వాతి చిత్ర నిర్మాణంలో తనవంతు సాయం అందించారు.
అలాగే పురస్కార ప్రధానోత్సవ సమయంలో బాలీవుడ్ దివంగత నటుడు ఇర్ఫాన్ ఖాన్, ఆస్కార్ విజేత, కాస్ట్యూమ్ డిజైనర్ భాను అథయాను అకాడమీ వారు స్మరించుకున్నారు.
