అసత్య వార్తలకు తాను బాధితులరాలినేనని హీరోయిన్ ఇలియానా చెప్పింది. గర్భవతి అని, అబార్షన్ చేయించుకున్నానని గతంలో తనపై వదంతులు వచ్చాయని వెల్లడించింది. ఇటీవల కాలంలో చనిపోయానంటూ కూడా వార్తలు వచ్చాయని ఈ నటి వెల్లడించింది.
"ఫేక్ న్యూస్లు చాలానే వస్తున్నాయి. నేను గర్భవతి అని, కొన్నాళ్లకు అబార్షన్ జరిగిందని వార్తలు వచ్చాయి. ఇది నిజంగా బాధాకరం. అలానే నేను ఆత్మహత్య చేసుకునేందుకు ప్రయత్నించానని, ఆ విషయాన్ని నా పనిమనిషి చెప్పిందని కూడా న్యూస్ వచ్చింది. ఇంతవరకు నాకు పనిమనిషే లేదు. ఇలాంటి అబద్ధాలను అసలు వార్తలుగా ఎలా రాస్తున్నారు?" అని ఇలియానా ఆవేదన వ్యక్తం చేసింది.
తెలుగు సినిమా 'దేవదాసు'తో హీరోయిన్గా పరిచయమైన ఇలియానా.. ఆ తర్వాత పోకిరి, కిక్ తదితర సినిమాలతో గుర్తింపు తెచ్చుకుంది. హిందీలోనూ కథానాయికగా పలు చిత్రాలు చేసింది. అభిషేక్ బచ్చన్ 'ద బిగ్బుల్' సినిమాతో ఇటీవల ప్రేక్షకుల ముందుకొచ్చింది.
