యంగ్ హీరో రాజ్ తరుణ్ హీరోగా ప్రముఖ నిర్మాత దిల్ రాజు నిర్మాణంలో తెరకెక్కుతున్న చిత్రం '‘ఇద్దరి లోకం ఒకటే'’. షాలినీ పాండే హీరోయిన్గా కనిపించనుంది. జి.ఆర్.కృష్ణ దర్శకత్వంలో రాబోతున్న ఈ సినిమా ట్రైలర్ విడుదలైంది.
- " class="align-text-top noRightClick twitterSection" data="">
ట్రైలర్ చూస్తుంటే ఫీల్గుడ్ లవ్స్టోరీగా రూపొందినట్లు తెలుస్తోంది. రాజ్ తరుణ్, షాలిని జంట చూడముచ్చటగా ఉంది. "ప్రేమించట్లేదంటే నువ్వు నచ్చలేదని కాదు, నీతో లైఫ్ లాంగ్ ట్రావెల్ చేసే ఫీలింగ్ లేదని", "ఒక మనిషి కావాలీ అనుకోవడానికి బయటకు కనిపించే ఒక్క ఫీలింగ్ సరిపోతుంది, కానీ వద్దూ అనుకోవడానికి బయటకు కనిపించని వంద కారణాలు కావాలి" అనే డైలాగులు యువతను ఆకట్టుకునే విధంగా ఉన్నాయి.
కొద్ది కాలం నుంచి వరుస ఫ్లాపులతో సతమతం అవుతున్నాడు రాజ్ తరుణ్. గతేడాది మూడు చిత్రాలతో ప్రేక్షకుల ముందుకొచ్చినా.. ఒక్క సినిమాతో కూడా ఆకట్టుకోలేకపోయాడు ఈ యంగ్ హీరో. ఈ సినిమాపైనే ఆశలు పెట్టుకున్నాడు. అన్ని కార్యక్రమాలు పూర్తి చేసుకుని ఈనెల 25న ప్రేక్షకుల ముందుకు రానుందీ మూవీ.
ఇవీ చూడండి.. రాశీ ఖన్నా గాత్రంతో 'యూ ఆర్ మై హై' సాంగ్
