Allu Arjun House: ఐకాన్ స్టార్ అల్లుఅర్జున్.. 'పుష్ప' సినిమాతో పాన్ఇండియా స్థాయిలో మంచి గుర్తింపు తెచ్చుకున్నారు. బాక్సాఫీసు వద్ద ఈ సినిమా భారీ స్థాయిలో కలెక్షన్లు రాబట్టింది. కరోనా పరిస్థితుల్లోనూ థియేటర్లలో విడుదలైన ఈ చిత్రం మాస్ ప్రేక్షకులను ఎంతగానో అలరించింది.
మరోవైపు అల్లుఅర్జున్ హైదరాబాద్లో తాను నివసిస్తోన్న ఇంటిని ఎన్నో హంగులతో నిర్మించుకున్నారు. స్విమ్మింగ్ పూల్, క్వాలిటీ ఫర్నీచర్, ప్రత్యేకమైన డిజైనింగ్తో తన ఇంటిని ఇంద్రభవనంలా మార్చుకున్నారు. ఈ ఇంటికి ఉన్న మరిన్ని ప్రత్యేకతలు ఏంటో?. దాని డిజైనర్ ఎవరో ఇప్పుడు తెలుసుకుందాం..
బ్లెస్సింగ్..
బన్నీ తన డ్రీమ్ హౌస్కు 'బ్లెస్సింగ్' అనే పేరు పెట్టుకున్నారు. ఈ ఇంట్లో అల్లుఅర్జున్ సహా ఆయన భార్య స్నేహలతా రెడ్డి, వారి పిల్లలు అర్హ, అయాన్ నివసిస్తున్నారు. వీరితో పాటు తమ పెంపుడు శునకం కజోకు కూడా ఈ ఇంట్లోనే ఉంటుంది. కాగా, బ్లెస్సింగ్ విస్తీర్ణం 8000 చదరపు అడుగులు.
స్విమ్మింగ్ పూల్, డైనింగ్ హాల్కు సులభంగా చేరుకునేలా ఇంటిని దీర్ఘచతురస్రాకారంలో ఉండే డబ్బాలా నిర్మించారు. ఇంటిలోకి ప్రవేశించగానే పెద్ద కారిడార్ ఉంటుంది. ఆ కారిడార్పై వెళ్తే నేరుగా స్విమ్మింగ్ పూల్ వస్తుంది. అయితే.. ఈ ఇంటిని నిర్మించింది ప్రముఖ ఆర్కిటెక్ట్ ఆమిర్ శర్మ కావడం విశేషం.
బన్నీకి నచ్చేలా..
బన్నీకి నచ్చేలా ఈ ఇంటిని నిర్మించేందుకు అన్ని ప్రయత్నాలు చేసినట్లు ఆర్కిటెక్ట్ శర్మ ఓ ఇంటర్వ్యూలో పేర్కొన్నారు. రెండు విధాలుగా ఉపయోగించుకునే విధంగా మూవబుల్ బెంచీలు ఏర్పాటు చేసినట్లు తెలిపారు. ఈ ఇంటి నిర్మాణానికి లో మెయింటనన్స్ మెటీరియల్ ఉపయోగించినట్లు వెల్లడించారు. ముందుభాగంలో ఎలాంటి డిజైన్లు ఉపయోగించలేదని, కేవలం గ్లాస్ను మాత్రమే అమర్చామని తెలిపారు. ఇంటి ముందు భాగాన్ని ప్లేన్గా ఉంచితేనే బాగుంటుందని బన్నీని ఒప్పించినట్లు స్పష్టం చేశారు.
'పిల్లల కోసం కూడా గదులను ప్రత్యేకంగా నిర్మించాం. కలర్ఫుల్ నర్సరీలా కనిపించేందుకు అన్ని ఏర్పాట్లు చేశాం.' అని శర్మ పేర్కొన్నారు.
వీటితో పాటు.. టెలివిజన్ కోసం కూడా ఈ ఇంటిలో ప్రత్యేకంగా ఓ గదిని నిర్మించారు. కుటుంబంతో కలిసి జాలీగా సమయాన్ని గడిపేందుకు టెలివిజన్ రూమ్లో ప్రత్యేకమైన కుర్చీలు ఏర్పాటు చేశారు.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చదవండి:
