గత కొన్ని రోజులుగా ఆలియా భట్‌పై కంగనా రనౌత్ విమర్శలు చేస్తోంది. నటనలో తనతో పోటీ పడగల సత్తా ఆలియాకు లేదని.. దయచేసి తనతో ఆమెను పోల్చవద్దు అంటూ కంగన బహిరంగంగానే విమర్శించింది. రణ్వీర్ సింగ్, ఆలియాలకు బాధ్యత లేదంటూ ఘాటు వ్యాఖ్యలు చేసింది.
కంగనా సోదరి రంగోలి.. ఆలియా భట్ కుటుంబంపై విమర్శలు చేసింది. కంగనా రనౌత్ను ఆలియా కుటుంబం ఎన్నో విధాలుగా ఇబ్బంది పెట్టిందని, చివరకు కంగనపై ఆలియా తండ్రి మహేష్ భట్ చెప్పు కూడా విసిరారని రంగోలి ఆరోపించింది. ఈ విమర్శలపై ఆలియా తాజాగా స్పందించింది.
"నా కుటుంబం నా కన్నా పది రెట్లు ధృడంగా ఉంటుంది. నేను ఎప్పుడూ సంతోషంగా, పాజిటివ్గా ఉండాలనుకుంటాను. ఇలాంటి నెగిటివ్ విషయాలను పట్టించుకోను. ఎలాంటి విమర్శలు ఎదురైనా నా పని నేను చేసుకుపోతా".
-ఆలియా భట్, బాలీవుడ్ నటి
ఆలియా భట్ ప్రస్తుతం టాలీవుడ్ దర్శక దిగ్గజం రాజమౌళి తెరకెక్కిస్తున్న' ఆర్ఆర్ఆర్' చిత్రంలో నటిస్తోంది. ప్రియుడు రణబీర్ కపూర్తో 'బ్రహ్మాస్త్ర' సినిమాలోనూ హీరోయిన్గా చేస్తోంది.
ఇవీ చూడండి.. ట్రైలర్తోనే మాయ చేస్తున్న సల్మాన్
