కన్నడ సూపర్ స్టార్ ఉపేంద్ర ఇప్పటివరకు చేసిన సినిమాల గురించి ప్రత్యేకంగా చెప్పక్కర్లేదు. 'ఓం', 'ఏ', 'సూపర్' లాంటి చిత్రాలతో సంచలనం సృష్టించాడు. కన్నడలో ఆయన నటించిన అన్ని సినిమాలు తెలుగు బాక్సాఫీస్ వద్ద మంచి విజయాలే సాధించాయి. చాలా కాలం తర్వాత మరో సినిమాతో తెలుగు ప్రేక్షకుల్ని అలరించడానికి సిద్ధమయ్యాడు ఉపేంద్ర. కన్నడలో వరుసగా భారీ హిట్స్ అందించిన స్టార్ డైరెక్టర్ చంద్రు దర్శకత్వంలో 'ఐ లవ్ యూ' అనే సినిమాతో ఎంటర్ టైన్ చేసేందుకు వస్తున్నాడు.
తెలుగులో జూన్ 14న ఈ చిత్రాన్ని విడుదల చేసేందుకు సిద్ధమవుతున్నారు. ఈనెల 8న విశాఖపట్టణం సముద్రతీరంలో 'ఐ లవ్ యూ' ప్రీ రిలీజ్ వేడుకకు ఏర్పాట్లు చేస్తున్నారు.
ఈ చిత్రంలో ఉపేంద్ర సరసన స్టార్ హీరోయిన్ డింపుల్ క్వీన్ రచిత రామ్ హీరోయిన్గా నటించింది. ఉపేంద్ర సినిమాల నుంచి ప్రేక్షకులు కోరుకునే అంశాలతో పాటు.. ఈసారి అదనంగా లవ్, ఫ్యామిలీ, థ్రిల్లింగ్ ఎలిమెంట్స్ జోడించామని చెబుతోంది చిత్రబృందం.
ఇవీ చూడండి.. హిందీలో మళ్లీ 'జింతాతా చితా చితా'...!
