X Update Block Features: ప్రముఖ సోషల్ మీడియా ప్లాట్ఫారమ్ ఎక్స్ (గతంలో ట్విటర్) యూజర్స్కు క్రేజీ అప్డేట్ వచ్చింది. ఇకపై మీరు.. మిమ్మల్ని బ్లాక్ చేసిన వ్యక్తుల పోస్ట్లను చూడొచ్చు. అదెలాగో తెలుసుకుందాం రండి.
ఎలాన్ మస్క్ యాజమాన్యంలోని ఎక్స్ (X) సరికొత్త అప్డేట్ను అందించింది. ఈ సామాజిక మాధ్యమం తన బ్లాక్ ఫీచర్ను అప్డేట్ చేసింది. దీంతో మీరు బ్లాక్ చేసిన వ్యక్తి ఇకపై మీ పబ్లిక్ పోస్ట్ను చూడగలరు. అయితే దీనికి కొన్ని నియమాలు ఉంటాయి.
ఎక్స్ తెలిపిన వివరాల ప్రకారం.. ఎక్స్లో వచ్చిన ఈ కొత్త అప్డేట్తో మీరు బ్లాక్ చేసిన వ్యక్తి మీ పబ్లిక్ పోస్ట్ను మాత్రమే చూడగలరు. అంతేకానీ వారు మీ పోస్ట్కు లైక్ కొట్టలేరు. దీంతోపాటు రిప్లై లేదా రీపోస్ట్ కూడా చేయలేరు. ఈ ఫీచర్ అప్డేట్ మీకు నేరుగా మెసేజ్ చేయకుండా అకౌంట్స్ను బ్లాక్ చేస్తుంది. ఇలా మీతో ఎంగేజ్ అవ్వకుండా చూస్తుంది.
గతంలో టెక్ బిలియనీర్ ఎలాన్ మస్క్ మీ పబ్లిక్ పోస్ట్లను చూడకుండా వ్యక్తులను బ్లాక్ చేయడంలో అర్థం లేదని అన్నారు. ఈ నేపథ్యంలోనే 'ఎక్స్' ఇప్పుడు కాంట్రవర్సియల్ బ్లాక్ ఫీచర్ను స్వయంగా అప్డేట్ చేస్తోంది. ఈ అప్డేట్ మీరు బ్లాక్ చేసిన వ్యక్తి కూడా మీ పబ్లిక్ పోస్ట్లను చూడటానికి అనుమతిస్తుంది.
అయితే ఈ ఫీచర్ అప్డేట్తో మీరు బ్లాక్ చేసిన అకౌంట్స్ మిమ్మల్ని ఫాలో చెయ్యలేవు. అలాగే మీరూ బ్లాక్ చేసిన వ్యక్తిని ఫాలో అవ్వలేరు. అంటే మీరు ప్రస్తుతం ఫాలో అయిన అకౌంట్ను బ్లాక్ చేయడం వల్ల ఆ అకౌంట్ను అన్ఫాలో చేసేస్తుంది. ఒకవేళ మీరు ఆ అకౌంట్ను అన్బ్లాక్ చేయాలని అనుకుంటే మీరు ఆ అకౌంట్ను మళ్లీ ఫాలో కొట్టాల్సి ఉంటుందని ఎక్స్ తెలిపింది. అంటే ఇకపై ఇతరుల నుంచి హానికరమైన/ప్రైవేట్ సమాచారాన్ని షేర్ చేయడానికి/హైడ్ చేసేందుకు మాత్రమే ఈ బ్లాక్ ఫీచర్ ఉపయోగపడుతుంది. అయితే ఎక్స్లో ఈ మార్పును చాలామంది వ్యతిరేకిస్తున్నారు.
రైల్వే ప్రయాణికుల కోసం 'సూపర్ యాప్'- అన్ని సౌకర్యాలు ఒకే చోట- ఇక నో టెన్షన్ బాస్..!
